സോഹന്‍ലാല്‍ തിരക്കഥ എഴുതി സംവിധാനം ചെയ്യുന്ന ഡാന്‍സ് പാര്‍ട്ടിയുടെ ചിത്രീകരണം പൂര്‍ത്തിയായിരിക്കുന്നു. ഓള്‍ഗാ പ്രൊഡക്ഷന്‍സിന്റെ ബാനറില്‍ റെജി പ്രോത്താ സീസും നൈസി റെജിയുമാണ് ചിത്രം നിര്‍മ്മിക്കുന്നത്.
വിഷ്ണു ഉണ്ണികൃഷ്ണന്‍, ഷൈന്‍ ടോം ചാക്കോ, ശ്രീനാഥ് ഭാസി എന്നിവരാണ് ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്. കൊച്ചി നഗരത്തില്‍ ഡാന്‍സും മ്യുസിക്കുമൊക്കെയായി ജീവിക്കുന്ന ഏതാനും ചെറുപ്പക്കാരുടെ ജീവിതമാണ് ചിത്രം പറയുന്നത്.
പ്രയാഗാമാര്‍ട്ടിന്‍, ലെന, സാജു നവോദയാ, നാരായണന്‍കുട്ടി, ശ്രദ്ധാഗോകുല്‍, പ്രീതി രാജേന്ദ്രന്‍, ഗോപാല്‍ജി, സജാദ് ബ്രൈറ്റ്, ജാനകി ദേവി എന്നിവരാണ് മറ്റഭിനേതാക്കള്‍.
സന്തോഷ് വര്‍മ്മയുടെ വരികള്‍ക്ക് ബിജിപാല്‍ ഈണം പകര്‍ന്നിരിക്കുന്നു. ബിനു കുര്യന്‍ ഛായാഗ്രഹണവും വി സാജന്‍ എഡിറ്റിംഗും നിര്‍വ്വഹിക്കുന്നു. കലാസംവിധാനം സതീഷ് കൊല്ലം, മേക്കപ്പ് റോണക്‌സ് സേവ്യര്‍, കോസ്റ്റ്യൂം ഡിസൈനര്‍ അതണ്‍ മനോഹര്‍, കോ-ഡയറക്ടര്‍ പ്രകാശ് കെ. മധു, ഡിസൈന്‍ കൊളിന്‍സ് ലിയോഫില്‍, പ്രൊജക്റ്റ് കോ ഓര്‍ഡിനേറ്റര്‍ ഷഫീഖ്, പ്രൊജക്റ്റ് ഡിസൈനര്‍ മധു തമ്മനം, പ്രൊഡക്ഷന്‍ കണ്‍ട്രോളര്‍ സുനില്‍ ജോസ്, സ്റ്റില്‍സ് നിദാദ്.
Recent Comments