ടി.എസ്. സുരേഷ് ബാബു സംവിധാനം ചെയ്യുന്ന ഡിഎന്‍എ.യുടെ ചിത്രീകരണം പൂര്‍ത്തിയായി. നൂറ്റിമുപ്പതോളം ദിവസം ചിത്രീകരണത്തിന് വേണ്ടിവന്നു. കൊച്ചി, പീരുമേട്, മുരടേശ്വര്‍ (കര്‍ണ്ണാടക), ചെന്നൈ എന്നിവിടങ്ങളിലായിട്ടായിരുന്നു ചിത്രീകരണം. ഇരുപതു ദിവസത്തോളം നീണ്ടു നിന്ന ചെന്നെ ഷെഡ്യൂളോടെയായിരുന്നു സിനിമ പായ്ക്കപ്പായത്.
ബെന്‍സി പ്രൊഡക്ഷന്‍സിന്റെ ബാനറില്‍ അബ്ദുള്‍ നാസ്സര്‍ നിര്‍മ്മിക്കുന്ന ഈ ചിത്രം സമീപകാല മലയാള സിനിമയിലെ ഏറ്റവും മികച്ച പൊലീസ് ക്രൈം ഇന്‍വെസ്റ്റിഗേഷന്‍ ത്രില്ലറാണ്. അരഡസനോളം മികച്ച ആക്ഷന്‍ സീനുകളാണ് ചിത്രത്തിന്റെ മറ്റൊരു ഹൈലൈറ്റ്. ചിത്രത്തിലെ കേന്ദ്രകഥാപാത്രമായ റേച്ചല്‍ പുന്നൂസ് എന്ന അന്വേഷക ഉദ്യോഗസ്ഥയെ അവതരിപ്പിക്കുന്നത് ലഷ്മി റായ് ആണ്. ഇടവേളക്കുശേഷം ലഷ്മി റായ് മലയാളത്തില്‍ അഭിനയിക്കുന്ന ചിത്രം കൂടിയാണിത്. യുവ നടന്‍ അഷ്‌ക്കര്‍ സൗധാനാണ് നായകന്‍.
ഇനിയ, ഹന്ന റെജി കോശി, ബാബു ആന്റണി, ഇര്‍ഷാദ്, അജു വര്‍ഗീസ് ഇന്ദ്രന്‍സ്, കോട്ടയം നസീര്‍, പത്മരാജ് രതീഷ്, സാസ്വിക, ഇടവേള ബാബു, റിയാസ് ഖാന്‍, ഗൗരി നന്ദ, രവീന്ദ്രന്‍ സെന്തില്‍, പൊന്‍ വണ്ണന്‍, കുഞ്ചന്‍, കൃഷ്ണ, ഡ്രാക്കുള സുധീര്‍, അമീര്‍ നിയാസ്, കിരണ്‍ രാജ്, രാജാ സാഹിബ്ബ് എന്നിവരും പ്രധാന താരങ്ങളാണ്.
Recent Comments