ജിബു ജേക്കബ് സംവിധാനം ചെയ്ത്, ആസിഫ് അലി – രജിഷ വിജയന്‍ എന്നിവര്‍ മുഖ്യ വേഷങ്ങളിലെത്തുന്ന ‘എല്ലാം ശരിയാകും’ എന്ന ചിത്രത്തിന്റെ ഫൈനല്‍ മിക്‌സ് പൂര്‍ത്തിയായി. ചിത്രം ഒരു പൊളിറ്റിക്കല്‍ സറ്റയറായാണ്. ‘അനുരാഗ കരിക്കിന്‍വെള്ളം’ എന്ന അരങ്ങേറ്റ ചിത്രത്തിനു ശേഷം രജിഷ വീണ്ടും ആസിഫിന്റെ നായികയായി എത്തുകയാണ്.
‘ഒ.ടി.ടി. റിലീസിനെക്കുറിച്ച് തല്‍ക്കാലം ചിന്തിക്കുന്നില്ല. തിയേറ്റര്‍ റിലീസിനുവേണ്ടിതന്നെ കാത്തിരിക്കുകയാണ്.’ സംവിധായകന്‍ ജീബു ജേക്കബ്ബ് പറഞ്ഞു.
ഷാരിസ്, ഷെല്‍ബിന്‍, നെബിന്‍ എന്നിവര്‍ ചേര്‍ന്നാണ് തിരക്കഥ ഒരുക്കിയത്. ശ്രീജിത് നായര്‍ ക്യാമറയും ഔസേപ്പച്ചന്‍ സംഗീതവും നിര്‍വഹിചിരിക്കുന്നു.
വെള്ളിമൂങ്ങ, മുന്തിരിവള്ളികള്‍ തളിര്‍ക്കുമ്പോള്‍ എന്നീ വിജയചിത്രങ്ങള്‍ ഒരുക്കിയത് ജിബു ജേക്കബ്ബാണ്. 2019 ല്‍ ബിജു മേനോന്‍ നായകനായ ആദ്യരാത്രിയാണ് ജിബു ജേക്കബിന്റെ സംവിധാനത്തില്‍ ഒടുവിലായി റിലീസ് ചെയ്ത ചിത്രം.
Recent Comments