പൃഥ്വിരാജിനെ നായകനാക്കി ഷാജി കൈലാസ് സംവിധാനം ചെയ്ത കാപ്പ തീയേറ്ററുകളിലെത്തി ഒരാഴ്ച പിന്നിടുമ്പോള്‍ ഇതേ ടീമിന്റെ തന്നെ കടുവയുടെ കളക്ഷന്‍ റെക്കോര്‍ഡുകളെ ഭേദിച്ച് മുന്നേറുകയാണ്. നിലവില്‍ തീയേറ്ററുകളുടെയും ഷോയുടെയും എണ്ണം കൂട്ടിയിട്ടുണ്ട്. GCC അടക്കമുള്ള വിദേശ രാജ്യങ്ങളിലും കാപ്പ മുന്നേറ്റം തുടരുകയാണ്. കാപ്പയ്ക്ക് രണ്ടാംഭാഗമുണ്ടാകുമെന്ന് സംവിധായകന്‍ സൂചന നല്‍കിയതും ഈ ഐതിഹാസിക വിജയത്തെ പിന്‍പറ്റിക്കൊണ്ടാണ്.
കാപ്പയുടെ വിജയാഘോഷം നടത്താനും താരങ്ങള്‍ മുന്നോട്ട് വന്നു. കഴിഞ്ഞ ദിവസങ്ങളില്‍ നാല് തീയേറ്ററുകളില്‍ അപര്‍ണ ബാലമുരളി നേരിട്ടെത്തിയാണ് കേക്ക് മുറിച്ച് കാപ്പയുടെ വിജയാഘോഷം നടത്തിയത്. ഫെഫ്ക റൈറ്റേഴ്‌സ് യൂണിയന്‍ പ്രസിഡന്റ് കൂടിയായ എസ്.എന്‍. സ്വാമിയും നിര്‍മ്മാതാക്കളായ ഡോള്‍വിന്‍ കുര്യാക്കോസും ജിനു വി. എബ്രഹാമും ചടങ്ങില്‍ പങ്കുകൊണ്ടു.
Recent Comments