ഷെബി ചൗഘട്ട് കഥയെഴുതി സംവിധാനം നിര്‍വ്വഹിക്കുന്ന കാക്കിപ്പടയുടെ ചിത്രീകരണം തിരുവനന്തപുരത്ത് പൂര്‍ത്തിയായി. പ്ലസ് ടു, ബോബി എന്നീ ചിത്രങ്ങള്‍ക്കു ശേഷം
ഷെബി ചാഘട്ട് സംവിധാനം ചെയ്യുന്ന ചിത്രമാണിത്. എസ്.വി. ഫിലിംസിന്റെ ബാനറില്‍ ഷെജി വലിയകത്താണ് ഈ ചിത്രം നിര്‍മ്മിക്കുന്നത്.
മനുഷ്യ മനഃസാക്ഷിയെ ഞെട്ടിച്ച ഒരു സംഭവത്തില്‍ നിന്നുമാണ് ഈ ചിത്രത്തിന്റെ പ്രമേയത്തിന് രൂപം കൊടുത്തിരിക്കുന്നത്. ഒരു കേസന്വേഷണത്തിലൂടെയാണ് കഥ പുരോഗമിക്കുന്നത്. തെളിവെടുപ്പിനായി പ്രതിക്കൊപ്പം സഞ്ചരിക്കേണ്ടി വരുന്ന എട്ട് ആംഡ് പൊലീസ് കോണ്‍സ്റ്റബിള്‍മാരുടെ ജീവിതത്തിലൂടെയാണ് സിനിമ സഞ്ചരിക്കുന്നത്. വലിയ ഉത്തരവാദിത്ത്വമാണ് ഇവരില്‍ നിക്ഷിപ്തമായിരിക്കുന്നത്. ഇത് അവരുടെ സംഘര്‍ഷത്തെ വര്‍ദ്ധിപ്പിക്കുന്നു.
നിരഞ്ജ് മണിയന്‍പിള്ള രാജു, അപ്പാനി ശരത്ത്, ചന്തുനാഥ്, സുജിത് ശങ്കര്‍, മണികണ്ഠന്‍ ആചാരി, ആരാധിക, ജയിംസ് ഏല്യാ, സഞ്ജിമോന്‍ പാറായില്‍, വിനോദ് സാക്ക്, മാലാ പാര്‍വ്വതി, സൂര്യ കൃഷ്ണ, ഷിബുലാബന്‍, പ്രദീപ് എന്നിവാണ് ചിത്രത്തിലെ പ്രധാന താരങ്ങള്‍.
ഷെബി ചൗഘട്ടും ഷെജി വലിയകത്തും ചേര്‍ന്നാണ് തിരക്കഥയും സംഭാഷണവും രചിച്ചത്. സംഗീതം ജാസി ഗിഫ്റ്റ്, പ്രശാന്ത് കൃഷ്ണ ഛായാഗ്രഹണവും പ്രദീപ് ശങ്കര്‍ എഡിറ്റിംഗും നിര്‍വ്വഹിക്കുന്നു. കലാസംവിധാനം സാ ബുറാം, മേക്കപ്പ് പ്രദീപ് രംൗന്‍, കോസ്റ്റ്യൂം ഡിസൈനര്‍ ഷിബു പരമേശ്വരന്‍, നിര്‍മ്മാണ നിര്‍വ്വഹണം എസ്. മുരുകന്‍.
സ്റ്റില്‍സ് അജി മസ്‌ക്കറ്റ്.
Recent Comments