പ്ലസ് ടു, ബോബി എന്നീ ചിത്രങ്ങള്‍ക്കു ശേഷം ഷെബി ചൗഘട്ട് കഥയെഴുതി സംവിധാനം ചെയ്യുന്ന ‘കാക്കിപ്പടയുടെ ചിത്രീകരണം തിരുവനന്തപുരത്ത് ആരംഭിച്ചു. കാലടിയിലുള്ള തളിയല്‍ വീട്ടിലാണ് ഷൂട്ടിംഗ്. ചിത്രത്തിന്റെ പ്രധാന ലൊക്കേഷനുകളിലൊന്നുകൂടിയാണിത്. നിരഞ്ജും അപ്പാനിശരത്തും സുജിത് ശങ്കറുമടക്കമുള്ളവര്‍ ജോയിന്‍ ചെയ്തു.
തെളിവെടുപ്പിനായി കൊണ്ടുവരുന്ന ഒരു പ്രതിക്കൊപ്പം സഞ്ചരിക്കേണ്ടി വരുന്ന എട്ട് ആംഡ് പൊലീസ് ഉദ്യോഗസ്ഥരുടെ കഥയാണ് ഈ ചിത്രം പറയുന്നത്. പൂര്‍ണ്ണമായും ഒരു ത്രില്ലര്‍ ചിത്രം.
മണികണ്ഠന്‍ ആചാരി, ജയിംസ് ഏല്യാ, സജിമോന്‍ പാറായില്‍, വിനോദ് സാക്, സൂര്യാ അനില്‍, പ്രദീപ്, ഷിബുലാബാന്‍, ആരാധിക, മാലാ പാര്‍വ്വതി എന്നിവരും ചിത്രത്തില്‍ അഭിനയിക്കുന്നു. എസ്.വി. പ്രൊഡക്ഷന്‍സിന്റെ ബാനറില്‍ ഷെജി വലിയകത്ത് ഈ ചിത്രം നിര്‍മ്മിക്കുന്നത്.
Recent Comments