അനന്യ ഫിലിംസിന്റെ ബാനറില്‍ ആല്‍വിന്‍ ആന്റണി നിര്‍മ്മിക്കുന്ന പുതിയ ചിത്രമാണ് കപ്പ്. ചിത്രത്തിന്റെ പൂജയും ടൈറ്റില്‍ ലോഞ്ചും ഇന്ന് രാവിലെ അഞ്ചുമന ക്ഷേത്രത്തില്‍ വെച്ച് നടന്നു. ഷൂട്ടിംഗ് ഫെബ്രുവരി 7 ന് അടിമാലിയില്‍ തുടങ്ങും. പാറത്തോടാണ് മറ്റൊരു ലൊക്കേഷന്‍.
ബാറ്റ്മിന്റനെ അധീകരിച്ച് ഒരുങ്ങുന്ന സ്‌പോര്‍ട്ട്‌സ് ഡ്രാമയാണ് കപ്പ്. നവഗതനായ സഞ്ജു വി. സാമുവല്‍ ആണ് ചിത്രം സംവിധാനം ചെയ്യുന്നത്. മാത്യു തോമസ്, ഗുരു സോമസുന്ദരം, ബേസില്‍ ജോസഫ്, നമിതാ പ്രമോദ്, ആനന്ദ് റോഷന്‍ എന്നിവര്‍ക്കൊപ്പം രണ്ട് പുതുമുഖ നായികമാരെയും ആല്‍വിന്‍ ആന്റണി കപ്പിലൂടെ പരിചയപ്പെടുത്തുന്നു.
പ്രശസ്ത നിര്‍മ്മാതാവ് ഷിബു തമീന്‍സിന്റെ മകള്‍ റിയാ ഷിബുവാണ് ഒരു നായിക. രണ്ടാമത്തെ നായികയെ തല്‍ക്കാലം സസ്‌പെന്‍സില്‍ നിര്‍ത്തുകയാണ് സംവിധായകന്‍. തിരുവനന്തപുരം ഇന്റര്‍നാഷണല്‍ സ്‌കൂളിലെ പ്ലസ് ടു വിദ്യാര്‍ത്ഥിയാണ് റിയാ ഷിബു. ഡാന്‍സിലും ആയോധന കലകളിലുമൊക്കെ ഏറെ താല്‍പ്പര്യമുള്ള റിയ മികച്ചൊരു സ്റ്റില്‍ ഫോട്ടോഗ്രാഫര്‍ കൂടിയാണ്.
നിഖില്‍ എസ്. പ്രവീണാണ് ഛായാഗ്രാഹകന്‍. റെക്‌സണ്‍ ജോസഫ് എഡിറ്റിംഗും ജോസഫ് നെല്ലിക്കല്‍ കലാസംവിധാനവും നിസാര്‍ അഹമ്മദ് കോസ്റ്റ്യൂമും ജിതേഷ് പൊയ്യ മേക്കപ്പും നിര്‍വ്വഹിക്കുന്ന ചിത്രത്തിന്റെ പ്രൊഡക്ഷന്‍ കണ്‍ട്രോളര്‍ നന്ദു പൊതുവാളാണ്.
Recent Comments