ബേസില്‍ ജോസഫ് പ്രധാന വേഷത്തിലെത്തുന്ന ‘കഠിന കഠോരമീ അണ്ഡകടാഹം’ എന്ന ചിത്രത്തിന്റെ പൂജയും സ്വിച്ചോണ്‍ കര്‍മ്മവും കോഴിക്കോട് നടന്നു. നവാഗതനായ മുഹസിനാണ് സംവിധായകന്‍. നൈസാം സലാം പ്രൊഡക്ഷന്‍സിന്റെ ബാനറില്‍ നൈസാം സലാമാണ് ചിത്രം നിര്‍മ്മിക്കുന്നത്. പൂര്‍ണമായും കോഴിക്കോടിന്റെ പശ്ചാത്തലത്തില്‍ ഒരുങ്ങുന്ന ചിത്രത്തിന് തിരക്കഥ ഒരുക്കുന്നത് ഹര്‍ഷദാണ്. ഉണ്ട, പുഴു എന്നീ ചിത്രങ്ങളുടെ തിരക്കഥാകൃത്താണ് ഹര്‍ഷദ്.
ബേസിലിനെ കൂടാതെ ഇന്ദ്രന്‍സ്, ജോണി ആന്റണി, ജാഫര്‍ ഇടുക്കി, ബിനു പപ്പു, സുധീഷ്, നിര്‍മ്മല്‍ പാലാഴി, സ്വതി ദാസ് പ്രഭു, അശ്വിന്‍, പാര്‍വതി കൃഷ്ണ, ഫറ ഷിബ്ല, ശ്രീജ രവി എന്നിവരോടൊപ്പം നിരവധി പുതുമുഖങ്ങളും അഭിനയിക്കുന്നു.
എസ്. മുണ്ടോളാണ് ചിത്രത്തിന്റെ ഛായാഗ്രാഹകന്‍. മുഹ്‌സിന്‍ പരാരി, ഷര്‍ഫു എന്നിവരുടെ വരികള്‍ക്ക് ഗോവിന്ദ് വസന്ദയാണ് സംഗീതം നല്‍കുന്നത്. മാര്‍ട്ടിന്‍ ജോര്‍ജ് ആറ്റവേലിലും ഷിനാസ് അലിയുമാണ് ലൈന്‍ പ്രൊഡ്യൂസേഴ്‌സ്. എഡിറ്റര്‍ സോബിന്‍ സോമന്‍, ആര്‍ട്ട് പ്രദീപ് എം.വി, മേക്കപ്പ് സുധി സുരേന്ദ്രന്‍, കോസ്റ്റ്യൂം അസീം അഷറഫ്, വിശാഖ് സനല്‍ കുമാര്‍, ചീഫ് അസോസിയേറ്റ് ഡയറക്ടര്‍ അനീഷ് ജോര്‍ജ്, അസോസിയേറ്റ് ഡയറക്ടര്‍ അഫ്‌നസ് വി, പി.ആര്‍.ഒ പി.ശിവപ്രസാദ്, സ്റ്റില്‍സ് ഷിജിന്‍ രാജ്.
Recent Comments