മമ്മൂട്ടി, മോഹന്‍ലാല്‍, ദിലീപ്, പൃഥ്വിരാജ് എന്നീ താരങ്ങളുടെ ഫാന്‍സുകാരായ 3 ചെറുപ്പക്കാരുടെ കഥയാണ് കെങ്കേമം. ബഡി മമ്മൂട്ടി ഫാനാണ്, ഡ്യൂഡ് മോഹന്‍ലാലിന്റേയും ജോര്‍ജ് സണ്ണി ലിയോണീ ഫാനുമാണ്. ചില സമയങ്ങളില്‍ അവര്‍തന്നെ ദിലീപിന്റെയും പൃഥ്വിയുടെയും ഫാനുമാകും. അവരുടെ ജീവിതത്തിലൂടെയുള്ള യാത്രയാണ് കഥാസാരം.
ഡിസൈനറാണ് ജോര്‍ജ്. ബഡിക്കു സംവിധായകനാകാനാണ് മോഹം. ജീവിക്കാന്‍ വേണ്ടി ചാരിറ്റി വീഡിയോ, ബ്ലോഗ്ഗ് തുടങ്ങി പലവഴികള്‍ തേടി, അവസാനം സിനിമ ചെയ്താല്‍ പിടിച്ചു നില്‍ക്കാം എന്ന വ്യാമോഹവുമായി ഇറങ്ങി പുറപ്പെടുന്ന ഇവര്‍ ചെന്നുപെടുന്നതാകട്ടെ, അവര്‍ ഒരിക്കലും ചിന്തിക്കാത്ത, ഇതുവരെ കാണാത്ത ഒരു സിനിമാലോകത്തിലേക്കാണ്. അതാണ് കെങ്കേമത്തിലൂടെ ഹാസ്യവും സെന്റിമെന്റ്‌സുമൊക്കെ ചേര്‍ത്ത് അവതരിപ്പിക്കുന്നത്.
ഭഗത് മാനുവല്‍, ലെവിന്‍ സൈമണ്‍ ജോസഫ്, നോബി മാര്‍ക്കോസ്, ഇന്ദ്രന്‍സ്, അജു വര്‍ഗീസ്, കലാഭവന്‍ ഷാജോണ്‍, ധര്‍മ്മജന്‍, അബു സലിം, മന്‍രാജ് തുടങ്ങി വലിയ താരനിര തന്നെ അണിനിരക്കുന്നു. ഓണ്‍ഡിമാന്‍ഡ്സിന്റെ ബാനറില്‍ ഷാഹ്മോന്‍ ബി. പരേലില്‍ കഥ, തിരക്കഥ എഴുതി സംവിധാനം ചെയ്യുന്ന ചിത്രത്തില്‍ വിജയ് ഉലകനാഥ് കാമറ കൈകാര്യം ചെയ്യുന്നു. എഡിറ്റര്‍ ചിയാന്‍ ശ്രീകാന്ത്, മ്യൂസിക് ദേവേഷ് ആര്‍. നാഥ്, വരികള്‍ ഹരിനാരായണന്‍, ആര്‍ട്ട് ജോസഫ് നെല്ലിക്കല്‍, മേക്കപ്പ് വിപിന്‍ മോഹനന്‍, പരസ്യകല ലിയോഫില്‍ കോളിന്‍സ്, പ്രൊഡക്ഷന്‍ കണ്‍ട്രോളര്‍ ഷറഫ് കരൂപ്പടന്ന, പിആര്‍ഒ എംകെ ഷെജിന്‍, അയ്മനം സാജന്‍. എറണാകുളത്തും പരിസരത്തുമായി ഉടന്‍ ഷൂട്ടിങ് ആരംഭിക്കും.
Recent Comments