സൂരജ് വര്‍മ്മ സംവിധാനം ചെയ്യുന്ന കൊള്ള എന്ന സിനിമയുടെ ചിത്രീകരണം പൂര്‍ത്തിയായി. ഏറ്റുമാനൂര്‍, കൈപ്പുഴ, വയലാ എന്നിവിടങ്ങളായിട്ടാണ് ചിത്രീകരണം നടന്നു വന്നത്. അയ്യപ്പന്‍ ബാനറില്‍ അവതരിപ്പിക്കുന്ന ചിത്രം രെജീഷ് പ്രൊഡക്ഷന്‍സിന്റെ ബാനറില്‍ കെ.വി. രജീഷാണ് നിര്‍മ്മിക്കുന്നത്. രവി മാത്യു പ്രൊഡക്ഷന്‍സുമായി സഹകരിച്ചാണ് നിര്‍മ്മാണം.
പൂര്‍ണ്ണമായും ത്രില്ലര്‍ മൂഡില്‍ അവതരിപ്പിക്കുന്ന ഈ ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത് രജീഷാ വിജയനും പ്രിയാ വാര്യര്‍ വിനയ് ഫോര്‍ട്ടുമാണ്. അലന്‍സിയര്‍, ഷെബിന്‍ ബന്‍സണ്‍, പ്രശാന്ത് അലക്‌സാണ്ടര്‍, ജിയോ ബേബി, വിനോദ് കെടാമംഗലം എന്നിവരും ചിത്രത്തിലഭിനയിക്കുന്നു.
ബോബി-സഞ്ജയ് യുടെ കഥയ്ക്ക് ജാസിം ജലാല്‍- നെല്‍സണ്‍ ജോസഫ് എന്നിവര്‍ ചേര്‍ന്നാണ് തിരക്കഥ രചിച്ചിരിക്കുന്നത്. എക്‌സിക്യൂട്ടീവ് പ്രൊഡ്യൂസര്‍ രവി മാത്യു, സംഗീതം ഷാന്‍ റഹ്‌മാന്‍, ഛായാഗ്രഹണം രാജ് വേല്‍മോഹന്‍, എഡിറ്റിംഗ് അര്‍ജു ബെന്‍, കലാസംവിധാനം രാഖില്‍, മേക്കപ്പ് റോണക്‌സ് സേവ്യര്‍, കോസ്റ്റ്യും ഡിസൈന്‍ സുജിത്. ചീഫ് അസ്സോസ്സിയേറ്റ് ഡയറക്ടര്‍ സനീഷ് സെബാസ്റ്റ്യന്‍, ഫിനാന്‍സ് കണ്‍ട്രോളര്‍ ശ്രീജിത്ത് കുറ്റിയാനിക്കല്‍, പ്രൊഡക്ഷന്‍ എക്‌സിക്കുട്ടീവ്‌സ് അബിന്‍-സുഹൈല്‍, പ്രൊഡക്ഷന്‍ കണ്‍ട്രോളര്‍- ഷബീര്‍ മലവെട്ടത്ത്, സ്റ്റില്‍സ് സന്തോഷ് പട്ടാമ്പി, പി.ആര്‍.ഒ. വാഴൂര്‍ ജോസ്.
Recent Comments