ബോബി- സഞ്ജയ് കഥയെഴുതി സൂരജ് വര്‍മ്മ സംവിധാനം ചെയ്ത ‘കൊള്ള’യുടെ ട്രെയിലര്‍ പുറത്തിറങ്ങി. സംവിധായകന്‍ സിബി മലയിലാണ് ട്രെയിലര്‍ ലോഞ്ച് ചെയ്തത്. നിരവധി താരങ്ങളും ഷെയര്‍ ചെയ്തിട്ടുണ്ട്. ജൂണ്‍ 9ന് ചിത്രം തീയേറ്ററുകളില്‍ പ്രദര്‍ശനത്തിനെത്തും.
ത്രില്ലര്‍ ചിത്രമാണ് കൊള്ള. രണ്ടു പെണ്‍കുട്ടികളെ കേന്ദ്രകഥാപാത്രമാക്കിയാണ് ചിത്രം ഒരുക്കിയിരിക്കുന്നത്. രജിഷ വിജയനും പ്രിയാവാര്യരുമാണ് ആ വേഷം ചെയ്യുന്നത്. ഇന്‍വെസ്റ്റിഗേറ്റീവ് ഓഫീസറുടെ വേഷത്തില്‍ വിനയ് ഫോര്‍ട്ടും എത്തുന്നു. അലന്‍സിയര്‍, പ്രശാന്ത് അലക്‌സാണ്ടര്‍, ജിയോ ബേബി, ഷെബിന്‍ ബെന്‍സന്‍, പ്രേം പ്രകാശ് തുടങ്ങിയവരാണ് മറ്റ് പ്രധാന വേഷങ്ങള്‍ ചെയ്യുന്നത്.
രജീഷ് പ്രൊഡക്ഷന്‍സിന്റെ ബാനറില്‍ കെവി രജീഷാണ് കൊള്ള നിര്‍മ്മിക്കുന്നത്. രവി മാത്യു പ്രൊഡക്ഷന്‍സും നിര്‍മ്മാണ പങ്കാളിയാണ്. കോ-പ്രൊഡ്യൂസര്‍ ലച്ചു രജീഷ്. ഡോക്ടര്‍മാരായ ജാസിം ജലാലും നെല്‍സണ്‍ ജോസഫും ചേര്‍ന്നാണ് തിരക്കഥ രചിച്ചത്. ഷാന്‍ റഹ്‌മാന്‍ സംഗീത സംവിധാനം നിര്‍വഹിക്കുന്ന ചിത്രത്തില്‍ ക്യാമറ രാജവേല്‍ മോഹനാണ്.
Recent Comments