ബോബി – സഞ്ജയ്‌യുടെ തിരക്കഥയില്‍ സൂരജ് വര്‍മ്മ സംവിധാനം ചെയ്യുന്ന ചിത്രമാണ് കൊള്ള. ചിത്രം ജൂണ്‍ 9 ന് തീയേറ്ററുകളില്‍ പ്രദര്‍ശനത്തിനെത്തും. കഴിഞ്ഞ ദിവസം ചിത്രം സെന്‍സര്‍ ചെയ്തിരുന്നു. യുസര്‍ട്ടിഫിക്കറ്റാണ് ലഭിച്ചിരിക്കുന്നത്.
രജീഷാ വിജയനും പ്രിയാ വാര്യരുമാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. വിനയ് ഫോര്‍ട്ടും ശക്തമായൊരു കഥാപാത്രം ചെയ്യുന്നു. അലന്‍സിയര്‍, പ്രശാന്ത് അലക്‌സാണ്ടര്‍, പ്രേംപ്രകാശ്, ഷെബിന്‍ ബക്കര്‍, ജിയോ ബേബി, വിനോദ് പറവൂര്‍ എന്നിവരാണ് മറ്റ് അഭിനേതാക്കള്‍.
ഒരു ത്രില്ലര്‍ ചിത്രമാണ് കൊള്ള. ജാസിം ജലാലും നെല്‍സണ്‍ ജോസഫും ചേര്‍ന്ന് തിരക്കഥ എഴുതിയിരിക്കുന്നു. സംഗീതം ഷാന്‍ റഹ്‌മാന്‍, ഛായാഗ്രഹണം രാജ് വേല്‍ മോഹന്‍, എഡിറ്റിംഗ് അര്‍ജുന്‍ ബെന്‍, കലാസംവിധാനം രാവില്‍, പ്രൊഡക്ഷന്‍ കണ്‍ടോളര്‍ ഷെബീര്‍ മല വെട്ടത്ത്, പി.ആര്‍.ഒ വാഴൂര്‍ ജോസ്.
രജീഷ് പ്രൊഡക്ഷന്‍സിന്റെ ബാനറില്‍ കെ.വി. രജീഷാണ് കൊള്ള നിര്‍മ്മിക്കുന്നത്. രവിമാത്യു പ്രൊഡക്ഷന്‍സും നിര്‍മ്മാണ പങ്കാളിയാണ്. കോ-പ്രൊഡ്യൂസര്‍ ലച്ചു രജീഷ്, എക്‌സിക്യൂട്ടീവ് പ്രൊഡ്യൂസര്‍ രവി മാത്യു.
Recent Comments