ഗൗതം വസുദേവ് മേനോന്‍, വിജയ്, വെങ്കട് പ്രഭു, നളന്‍ കുമാരസാമി എന്നീ നാല് പ്രമുഖ സംവിധായകര്‍ ഒത്തൊരുമിക്കുന്ന ആന്തോളജി കുട്ടിസ്റ്റോറി വെള്ളിത്തിരയിലേയ്ക്ക്. വൈകാരികമായ നാല് പ്രണയങ്ങള്‍ എന്ന ടാഗ് ലൈനോടുകൂടിയാണ് ചിത്രം എത്തുന്നത്. പാവകഥൈകളിനുശേഷം പ്രേക്ഷകര്‍ ഏറെ കാത്തിരിക്കുന്ന ചിത്രമാണ് കുട്ടിസ്റ്റോറി.
വാലന്റൈന്‍സ് ദിനത്തിന് മുന്നോടിയായി ഫെബ്രുവരി 12 ന് ചിത്രം തീയേറ്ററുകളിലെത്തും. നാലു വ്യത്യസ്തമായ പ്രണയ കഥകളുടെ സമാഹാരമാണ് കുട്ടി സ്റ്റോറിയുടെ പാശ്ചാത്തലം. വ്യത്യസ്ത പ്രായക്കാരുടെ തികച്ചും വ്യത്യസ്തമായ പ്രണയ ബന്ധങ്ങളാണ് ചിത്രത്തില്‍ പ്രതിപാദിക്കുന്നത്.
വിജയ് സേതുപതി, അമല പോള്‍, മേഘ ആകാശ്, അദിതി ബാലന്‍, ആര്യ, സാക്ഷി അഗര്‍വാള്‍, റോബോ ശങ്കര്‍, വരുണ്‍, സംഗീത, പ്രഭാകര്‍ തുടങ്ങി നിരവധി താരങ്ങളോടൊപ്പം ഗൗതം വാസുദേവ മേനോനും ഒരു മുഖ്യകഥാപാത്രത്തിലെത്തുന്നു. വേല്‍സ് ഫിലിം ഇന്റര്‍നാഷണലിന്റെ ബാനറില്‍ ഡോ. ഐശ്വരി കെ ഗണേഷാണ് ചിത്രം നിര്‍മ്മച്ചിരിക്കുന്നത്. സില്‍വര്‍ സ്‌ക്രീന്‍ പിക്‌ചേഴ്‌സ് കുട്ടി സ്റ്റോറി കേരളത്തില്‍ റിലീസ് ചെയ്യും. പി.ആര്‍.ഒ സി.കെ. അജയ് കുമാര്‍.
Recent Comments