തമിഴ് സിനിമയിലെ യുവനിര നായകന്മാരില്‍ ഏറെ വ്യത്യസ്തനാണ് വിജയ് സേതുപതി. അഭിനയത്തില്‍ മാത്രമല്ല, ജീവിതശൈലിയും പലരും മാതൃകയാക്കേണ്ടത് തന്നെയാണ്. മലയാളത്തിലും തെലുങ്കാനയിലും ഏറെ ആരാധകരുള്ള നടനാണ് അദ്ദേഹം. തന്റെ ഏറ്റവും പുതിയ സിനിമ ലാഭം നിര്‍മ്മിക്കുന്നതും വിജയ് സേതുപതിതന്നെയാണ്.
ഇപ്പോഴിതാ ഇന്‍സ്റ്റയിലൂടെ വിജയ് സേതുപതിയുടെ മാസ്സ്‌ലുക്ക് പോസ്റ്റര്‍ പുറത്തിറക്കി. തന്റെ ലാഭം സിനിമ ഒരു കാരണവശാലും ഒ.ടി.ടി. പ്ലാറ്റ്‌ഫോമില്‍ റിലീസ് ചെയ്യില്ലെന്നും ഇത് വലിയ സ്‌ക്രീനില്‍തന്നെ പ്രേക്ഷകര്‍ക്ക് മുന്നിലെത്തുമെന്നും വിജയ് ഉറപ്പിച്ച് പറയുന്നു. അതിനായി തന്റെ ആരാധകര്‍ ക്ഷമയോടെ കാത്തിരിക്കുമെന്നും അദ്ദേഹം സൂചിപ്പിച്ചു.
വിജയ് പ്രൊഡക്ഷന്‍സിന്റെ ബാനറില്‍ ഒരുങ്ങുന്ന ലാഭത്തില്‍ ശ്രുതിഹസ്സനാണ് നായിക. കൂടാതെ ജഗപതി ബാബു, സായി ധന്‍ഷിക, കലൈയരശന്‍ തുടങ്ങിയവരും മുഖ്യവേഷത്തില്‍ അഭിനയിക്കുന്നു. ഇയര്‍ക്കൈ എന്ന സിനിമയിലൂടെ ദേശീയ അവാര്‍ഡ് ജേതാവായ എസ്.പി. ജനനാഥനാണ് ലാഭത്തിന്റെ സംവിധായകന്‍. ഡി. ഇമാന്‍ സംഗീതസംവിധാനം നിര്‍വ്വഹിക്കുന്ന ചിത്രം ഒരുപക്ഷേ പൊങ്കല്‍ ഉത്സവവേളയില്‍ വെള്ളിത്തിരയിലെത്തുമെന്ന് പ്രതീക്ഷിക്കുന്നു.
Recent Comments