അക്ഷയ് കുമാര്‍ നായകനാവുന്ന ‘ലക്ഷ്മി ബോംബ്’ എന്ന ചിത്രത്തിന്റെ പേര് ‘ലക്ഷ്മി’ എന്നാക്കി. ഹൈന്ദവ ദേവിയെ അപമാനിക്കുന്നു, മതവികാരങ്ങള്‍ വ്രണപ്പെടുത്തുന്നു എന്നീ ആരോപണങ്ങളെ തുടര്‍ന്ന് സിനിമയുടെ പേര് മാറ്റണമെന്ന് ആവശ്യപ്പെട്ട് നിര്‍മ്മാതാക്കള്‍ക്കെതിരെയും ചിത്രത്തിനെതിരെയും ബഹിഷ്‌ക്കരണ ആഹ്വാനം നടന്നിരുന്നു. അതിനെ തുടര്‍ന്നാണ് സിനിമയുടെ പേര് മാറ്റിയത്.
ഇന്ത്യന്‍ സിനിമയിലെ മുന്‍നിര നായികമാരില്‍ ഒരാളായി മുന്നേറുന്ന കിയാരാ അദ്വാനിയാണ് ലക്ഷ്മിയിലെ നായിക. അക്ഷയ്‌ക്കൊപ്പം കിയാരയുടെ സ്റ്റില്ലുമായി പുതിയ പോസ്റ്റര്‍ നിര്‍മ്മാതാക്കള്‍ പുറത്തിറക്കി.
രാഘവ ലോറന്‍സിന്റെ സംവിധാനത്തില്‍ ഒരുങ്ങുന്ന സിനിമയുടെ റിലീസ് നവംബര്‍ 9 നാണ്. ഡിസ്നിപ്ലസ് ഹോട്ട്സ്റ്റാര്‍ വഴിയാണ് റിലീസ് ചെയ്യുന്നത്.
അക്ഷയ് കുമാറിന്റെ കേപ് ഓഫ് ഗുഡ് ഫിലിംസ്, ഷബീന ഖാന്‍, തുഷാര്‍ കപൂര്‍, ഫോക്‌സ് സ്റ്റാര്‍ സ്റ്റുഡിയോസ് എന്നിവര്‍ ചേര്‍ന്നാണ് ലക്ഷ്മി നിര്‍മ്മിക്കുന്നത്.
Recent Comments