മോഹന്‍ലാല്‍ നായകനാകുന്ന ലിജോ ജോസ് പെല്ലിശ്ശേരി ചിത്രം മലൈക്കോട്ടൈ വാലിബന്റെ രാജസ്ഥാന്‍ ഷെഡ്യൂള്‍ പൂര്‍ത്തിയായി. 77 ദിവസങ്ങള്‍ കൊണ്ടാണ് ചിത്രീകരണം പൂര്‍ത്തിയാക്കിയത്. അവസാന ഘട്ട ചിത്രീകരണം മേയില്‍ ചെന്നൈയിലെ ഗോകുലം സ്റ്റുഡിയോസില്‍ നടക്കും. ഷൂട്ടിങ്ങിന്റെ അവസാനഘട്ടം വരെ സഹകരിച്ച അണിയറപ്രവര്‍ത്തകര്‍ക്ക് ലിജോ ജോസ് പെല്ലിശ്ശേരി നന്ദി പറഞ്ഞു.
‘നമ്മുടെ മലൈക്കോട്ടൈ വാലിബന്‍, നമുക്ക് പെട്ടെന്ന് ഷൂട്ട് ചെയ്‌തെടുക്കാന്‍ ബുദ്ധിമുട്ടുള്ള സീക്വന്‍സുകളുള്ള ചിത്രമാണ്. രാജസ്ഥാന്‍ പോലെ ഒരു സ്ഥലത്തു വന്ന് നമുക്കത് ഷൂട്ട് ചെയ്‌തെടുക്കണമായിരുന്നു. അത് വിജയകരമായി പൂര്‍ത്തിയാക്കി എന്നുള്ളത് ഞാന്‍ ഇവിടെ പറഞ്ഞു കൊള്ളട്ടെ. പ്രശ്‌നങ്ങളും ബുദ്ധിമുട്ടുകളും ഇല്ലാതിരുന്നിട്ടില്ല. അതൊക്കെ തരണം ചെയ്ത് ഷെഡ്യൂള്‍ വിജയകരമായി പൂര്‍ത്തിയാക്കി എന്നുള്ളതിലാണ് നമ്മളെല്ലാപേരും സന്തോഷിക്കുന്നത്. നിങ്ങള്‍ക്കെല്ലാവര്‍ക്കും എന്റെ ഹൃദയം നിറഞ്ഞ നന്ദി. ഈ സിനിമയുടെ ഭാഗമായ എല്ലാപേര്‍ക്കും നന്ദി’ ലിജോ പറഞ്ഞു.
Captain of the ship.😍
Lijo Jose Pellissery about #MalaikottaiVaaliban
Schedule Packup.#LijoJosePellissery #Mohanlal #LJP #malaikkottaivaaliban #Lalettan pic.twitter.com/fTmaYXxOaV— Pratheesh Sekhar (@propratheesh) April 5, 2023
വിദേശതാരങ്ങള്‍ അടക്കം വന്‍ താരനിരയാണ് ചിത്രത്തിലുള്ളത്. ഷിബു ബേബി ജോണിന്റെ ജോണ്‍ മേരി ക്രിയേറ്റിവ് ലിമിറ്റഡിനൊപ്പം കൊച്ചുമോന്റെ സെഞ്ച്വറി ഫിലിംസ്, അനൂപിന്റെ മാക്‌സ് ലാബ് സിനിമാസ്, ആമേന്‍ മൂവി മൊണാസ്ട്രി എന്നിവര്‍ ചേര്‍ന്നാണ് നിര്‍മ്മാണം. പി എസ്സ് റഫീക്കിന്റേതാണ് തിരക്കഥ. സംഗീതം പ്രശാന്ത് പിള്ള, ഛായാഗ്രഹണം മധു നീലകണ്ഠന്‍,ചീഫ് അസ്സോസിയേറ്റ് ഡയറക്ടര്‍ ടിനു പാപ്പച്ചന്‍. പിആര്‍ഒ പ്രതീഷ് ശേഖര്‍.
Recent Comments