ഉദയനിധി സ്റ്റാലിന്‍, ഫഹദ് ഫാസില്‍, വടിവേലു, കീര്‍ത്തി സുരേഷ് എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്ന മാമന്നന്റെ ട്രെയിലര് റിലീസായി. പരിയേറും പെരുമാള്‍, കര്‍ണ്ണന്‍ എന്നി ബ്ലോക്ക് ബസ്റ്റര്‍ ചിത്രങ്ങള്‍ക്ക് ശേഷം മാരി സെല്‍വരാജ് സംവിധാനം ചെയ്യുന്ന ചിത്രമാണിത്. ഫഹദ് ഫാസിലിന്റെ മിന്നുന്ന പ്രകടനമാണ് ചിത്രത്തിലുടനീളം. ഓസ്‌കാര്‍ ജേതാവ് എആര്‍ റഹ്‌മാനാണ് ചിത്രത്തിന്റെ സംഗീത സംവിധാനം നിര്‍വഹിച്ചിരിക്കുന്നത്. റെഡ് ജയന്റ് ആണ് ചിത്രം നിര്‍മ്മിക്കുന്നത്.
നേരത്തെ പുറത്തുവിട്ട മാമന്നനിലെ ലിറിക്കല്‍ വിഡിയോകള്‍ക്ക് ഗംഭീര പ്രേക്ഷക പ്രതികരണമാണ് ലഭിക്കുന്നത്. സോണി മ്യൂസിക്കാണ് മ്യൂസിക്ക് റൈറ്റ്‌സ് സ്വന്തമാക്കിയിരിക്കന്നത്. ഛായാഗ്രഹണം തേനി ഈശ്വര്‍. ഡിസംബറില്‍ തമിഴ്നാട്ടിലെ യുവജനക്ഷേമ കായിക വികസന മന്ത്രിയായി സത്യപ്രതിജ്ഞ ചെയ്ത ശേഷം മാമന്നന്‍ താന്‍ ഏറ്റവും ഒടുവിലായി അഭിനയിക്കുന്ന ചിത്രമാണെന്നാണ് ഉദയനിധി പറഞ്ഞത്.
കേരളത്തില്‍ ആര്.ആര്.ആര്., വിക്രം, ഡോണ്‍, വെന്ത് തുനിന്തത് കാട്, വിടുതലൈ തുടങ്ങിയ സിനിമകള്‍ വിതരണം ചെയ്ത എച്ച് ആര് പിക്‌ചേഴ്‌സാണ് ചിത്രം കേരളത്തില്‍ വിതരണത്തിനെത്തിക്കുന്നത്. പിആര്‍ഒ പ്രതീഷ് ശേഖര്‍.
Recent Comments