ഓപ്പറേഷന്‍ ജാവയ്ക്ക് ശേഷം വി സിനിമാസ് ഇന്റര്‍നാഷണലിന്റെ ബാനറില്‍ പത്മ ഉദയ് നിര്‍മ്മിക്കുന്ന ബിഗ് ബജറ്റ് ചിത്രം ‘നെയ്മറി’ന്റെ ഷൂട്ടിംഗ് പോണ്ടിച്ചേരിയില്‍ പുരോഗമിക്കുന്നു. സുധി മാഡിസണ്‍ കഥയെഴുതി സംവിധാനം ചെയ്യുന്നു. ജില്ല, ഗപ്പി, സ്‌റ്റൈല്‍, അമ്പിളി, ഹാപ്പി വെഡിങ് എന്നീ ചിത്രങ്ങളുടെ അസിസ്റ്റന്റ് എഡിറ്ററും, ഓപ്പറേഷന്‍ ജാവ എന്ന ചിത്രത്തിന്റെ കോ ഡയറക്ടറുമായിരുന്നു സുധി മാഡിസണ്‍. തിരക്കഥയും സംഭാഷണവും എഴുതുന്നത് ആദര്‍ശ് സുകുമാരനും പോള്‍സണ്‍ സ്‌കറിയയും ചേര്‍ന്നാണ്.
മാത്യു തോമസും നസ്ലെനുമാണ് ചിത്രത്തിലെ കേന്ദ്രകഥാപാത്രങ്ങളെ അവതരിപ്പിക്കുന്നത്. ഈ കൂട്ടുകെട്ടില്‍ ഏറ്റവും ഒടുവില്‍ പുറത്തിറങ്ങിയ ചിത്രം ‘ജോ & ജോ’യും വന്‍ ഹിറ്റായിരുന്നു. ഒരു മുഴുനീള എന്റര്‍റ്റൈനറാണ് നെയ്മര്‍. മലയാളത്തിലെ പ്രമുഖ താരങ്ങളും നെയ്മറിന് പിന്നില്‍ അണിനിരക്കുന്നുണ്ടെങ്കിലും, സിനിമയെ കുറിച്ചുള്ള കൂടുതല്‍ വിവരങ്ങളൊന്നും അണിയറ പ്രവര്‍ത്തകര്‍ പുറത്ത് വിട്ടിട്ടില്ല.
ആല്‍ബിയാണ് ക്യാമറാമാന്‍. ഷാന്‍ റഹ്‌മാന്‍ സംഗീത സംവിധായകനാകുന്ന ചിത്രത്തിന്റെ എഡിറ്റര്‍ നൗഫല്‍ അബ്ദുള്ളയും ഫിനിക്‌സ് പ്രഭു ആക്ഷന്‍ കോറിയോഗ്രാഫറുമാണ്. ഉദയ് രാമചന്ദ്രനാണ് എക്‌സിക്യൂട്ടീവ് പ്രൊഡ്യൂസര്‍. ചിത്രം ക്രിസ്തുമസിന് തീയേറ്ററുകളിലെത്തും.
Recent Comments