മമ്മൂട്ടിയെ നായകനാക്കി ലിജോ ജോസ് പല്ലിശ്ശേരി സംവിധാനം ചെയ്യുന്ന നന്‍പകല്‍ നേരത്ത് മയക്കം എന്ന ചിത്രത്തിന്റെ ടീസര്‍ പുറത്തു വന്നു. ചിത്രത്തിലെ എല്ലാ കഥാപാത്രങ്ങളും ഉറക്കത്തിലിരിക്കുന്നതായാണ് ടീസറില്‍ ചിത്രീകരിച്ചിരിക്കുന്നത്. ഏറ്റവും ഒടുവിലായാണ് മമ്മൂട്ടി പ്രത്യക്ഷപ്പെടുന്നതും. ഒരു മിനിറ്റ് ആറ് സെക്കന്റാണ് ടീസറിന്റെ ദൈര്‍ഘ്യം.
ചിത്രത്തിന്റെ നിര്‍മ്മാണം ഏറ്റെടുത്തിരിക്കുന്നത് മമ്മൂട്ടി കമ്പനി എന്ന പേരിലുള്ള പുതിയ നിര്‍മ്മാണ കമ്പനിയാണ്. ഹാസ്യമാണ് സിനിമയുടെ പശ്ചാത്തലം. ലിജോയും മമ്മൂട്ടിയും ചേര്‍ന്ന് നിര്‍മ്മിക്കുന്ന സിനിമ പൂര്‍ണ്ണമായും ചിത്രീകരിച്ചത് തമിഴ്‌നാട്ടിലായിരുന്നു. മലയാളത്തിന് പുറമെ തമിഴിലും സിനിമ ഒരുങ്ങുന്നു. രണ്ട് ഭാഷകളിലെയും അഭിനേതാക്കള്‍ കൂടുതലും പുതുമുഖങ്ങളായിരിക്കും. അശോകനും പ്രധാന വേഷത്തിലെത്തുന്നു.
മമ്മൂട്ടി അഭിനയിച്ച തമിഴ് ചിത്രം പേരന്‍പും പുഴുവും ഷൂട്ട് ചെയ്ത തേനി ഈശ്വറാണ് ഛായാഗ്രാഹകന്‍. ലിജോയുടെ കഥയ്ക്ക് തിരക്കഥയൊരുക്കിയത് പ്രമുഖ കഥാകൃത്ത് എസ്. ഹരീഷാണ്. ചുരുളിക്കുശേഷം ഹരീഷ് ഒരുക്കുന്ന തിരക്കഥയാണ് നന്‍പകല്‍ നേരത്ത് മയക്കം.
Recent Comments