‘കോശിച്ചായന്റെ പറമ്പ്’ എന്ന ചിത്രത്തിന് ശേഷം സാജിര്‍ സദഫ് സംവിധാനം ചെയ്യുന്ന ചിത്രമാണ് ‘പട്ടാപ്പകല്‍’. സിനിമയുടെ ചിത്രീകരണം പൂര്‍ത്തിയായി. ഒരു കോമഡി എന്റര്‍ടൈയിനറാണ് പട്ടാപകല്‍. ശ്രീനന്ദനം ഫിലിംസിന്റെ ബാനറില്‍ എന്‍. നന്ദകുമാറാണ് ചിത്രം നിര്‍മ്മിക്കുന്നത്.
എസ്.വി കൃഷ്ണശങ്കര്‍, കിച്ചു ടെല്ലസ്, സുധി കോപ്പ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. രമേഷ് പിഷാരടി, ജോണി ആന്റണി, ഗോകുലന്‍, ഫ്രാങ്കോ ഫ്രാന്‍സിസ്, പ്രശാന്ത് മുരളി, വിനീത് തട്ടില്‍, രഞ്ജിത്ത് കൊങ്കല്‍, രഘുനാഥ്, വൈശാഖ് വിജയന്‍, ഗീതി സംഗീത, ആമിന, സന്ധ്യ എന്നിവരും ചിത്രത്തില്‍ അഭിനയിക്കുന്നു. പി.എസ് അര്‍ജുനന്‍ തിരക്കഥയെഴുതുന്ന ചിത്രത്തിന് ഛായാഗ്രഹണം നിര്‍വ്വഹിക്കുന്നത് കണ്ണന്‍ പട്ടേരിയാണ്.
ചിത്രസംയോജനം ജസ്സല്‍ സഹീര്‍, സംഗീതം ഷാന്‍ റഹ്‌മാന്‍, ഗാനരചന മനു മഞ്ജിത്ത്, പ്രൊഡക്ഷന്‍ കണ്‍ട്രോളര്‍: നിസാര്‍ മുഹമ്മദ്, പി.ആര്‍.ഒ. പി. ശിവപ്രസാദ്.
Recent Comments