സംവിധായകന്‍ റോബിന്‍ ജോസഫ് ഒരുക്കുന്ന പുതിയ ചിത്രമാണ് ‘പൂഞ്ചിറ പോലീസ് സ്റ്റേഷന്‍’. സിനിമയുടെ ചിത്രീകരണം ആരംഭിച്ചു. പുതുമുഖങ്ങളായ ജെയിസ് ജോസ്, കൈലാഷ്, കിച്ചു ടെല്ലാസ്, സോഹന്‍ സീനുലാല്‍ എന്നിവരെ കേന്ദ്രകഥാപാത്രമാക്കി ഒരുക്കുന്ന ആക്ഷന്‍ ത്രില്ലറാണ് ചിത്രം. കൊച്ചിയിലും പരിസര പ്രദേശങ്ങളിലുമായി രണ്ട് ഷെഡ്യൂളുകളിലായി ചിത്രീകരണം പൂര്‍ത്തീകരിക്കും.
കുറ്റാന്വേഷണത്തിലൂടെയാണ് ചിത്രത്തിന്റെ കഥ വികസിക്കുന്നത്. ആക്ഷന്‍ ത്രില്ലറാണെങ്കിലും കുടുംബപ്രേക്ഷകരെയും യൂത്തിനെയും ഏറെ രസിപ്പിക്കുന്ന പ്രമേയമാണ് ചിത്രത്തിന്റേതെന്ന് സംവിധായകന്‍ റോബിന്‍ ജോസഫ് വ്യക്തമാക്കി.
ഔവര്‍ ലേഡി പ്രൊഡക്ഷന്‍സിന്റെ ബാനറില്‍ അക്ഷയ് ജോഷി, റെജി മാത്യു എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. മനോഹരങ്ങളായ രണ്ട് ഗാനങ്ങളുള്ള ചിത്രം സംവിധായകനും തിരക്കഥാകത്തുമായ സന്തോഷ് ഇടുക്കിയുടെ കഥയ്ക്ക് യുവതിരക്കഥാകത്ത് അമീര്‍ അലിയാണ് കഥയും തിരക്കഥയും ഒരുക്കിയിട്ടുള്ളത്.
ശിവജി ഗുരുവായൂര്‍, രേഷ്മ ആര്‍ നായര്‍, ജിഷന്‍, സ്ഫടികം ജോര്‍ജ്, അക്ഷയ് ജോഷി, അംബിക മോഹന്‍, പ്രമോദ് പൂന്താനം, ചെമ്പില്‍ അശോകന്‍, വൈക്കം ദേവ്, റജി പുത്തന്‍കുരിശ്, ഷെജിന്‍, റോബിന്‍ ജോണ്‍, രമേഷ് കുറുമശ്ശേരി, ജിജാ സുരേന്ദ്രന്‍, ഉഷ വൈക്കം തുടങ്ങിയവരും ചിത്രത്തില്‍ അഭിനയിക്കുന്നു.
സന്തോഷ് ഇടുക്കിയുടെ കഥയ്ക്ക് അമീര്‍ അലി തിരക്കഥയും സംഭാഷണവും രചിച്ചിരിക്കുന്നു. ഛായാഗ്രഹണം ശ്യാം പഞ്ചമി. എഡിറ്റിംഗ് രഞ്ജിത്ത്, സംഗീതം ഡോ. ഗൗതം രംഗന്‍, കലാസംവിധാനം ബീനിഷ് ചോലെ, മേക്കപ്പ് രാജന്‍ മാസ്‌ക്ക്, കോസ്റ്റ്യൂം രമേശ് കണ്ണൂര്‍, പ്രൊഡക്ഷന്‍ കണ്‍ട്രോളര്‍ ഷെമിന്‍ എസ്ആര്‍, പ്രൊഡക്ഷന്‍ മാനേജര്‍ പ്രശാന്ത് കേടനാട്, അസിസ്റ്റന്റ് ഡയറക്ടേഴ്‌സ് ലിബിന്‍ ബാലന്‍, പ്രകാശ് പട്ടാമ്പി, ടുഡു ദേവസ്യാ, സുഹൈല്‍ സുല്‍ത്താന്‍, സൂര്യ ശ്യാം. ഡിസൈനര്‍ രജീഷ് ഗോപിനാഥ്, ചീഫ് അസോസിയേറ്റ് ഡയറക്ടര്‍ അമീര്‍ അലി. പി.ആര്‍.ഒ പി.ആര്‍. സുമേരന്‍, സ്റ്റില്‍സ് ഷാബു പോള്‍.
Recent Comments