ദുല്‍ഖര്‍ സല്‍മാന്റെ ഉടമസ്ഥതയിലുള്ള വേഫെറര്‍ ഫിലിംസും അകാലത്തില്‍ വിടപറഞ്ഞകന്ന അതുല്യനടന്‍ എന്‍.എഫ്. വര്‍ഗീസിന്റെ സ്മരണാര്‍ത്ഥമുള്ള എന്‍.എഫ്. വര്‍ഗീസ് പിക്‌ചേഴ്സും ചേര്‍ന്ന് നിര്‍മ്മിക്കുന്ന പ്യാലിയുടെ രസകരമായ ടീസര്‍ പുറത്തിറങ്ങി. സഹോദരബന്ധത്തിന്റെ ആഴവും വ്യാപ്തിയും ഏറെ മനോഹരമായി അവതരിപ്പിക്കുന്ന ചിത്രത്തിന്റെ തിരക്കഥയും സംവിധാനവും നിര്‍വഹിച്ചിരിക്കുന്നത് ബബിതയും റിനും ചേര്‍ന്നാണ്.
പ്യാലി എന്ന ഒരു കൊച്ചുമിടുക്കിയെ കേന്ദ്രീകരിച്ചാണ് ചിത്രത്തിന്റെ കഥ മുന്നോട്ട് പോകുന്നത്. കുട്ടികളുടെ മനംകവരുന്ന പ്രമേയമാണ് ചിത്രത്തിന്റേത്. ദുല്‍ഖര്‍ റെഫറന്‍സുമായി എത്തിയിരിക്കുന്ന ടീസര്‍ ചിത്രത്തെ കുറിച്ച് ഏറെ പ്രതീക്ഷകളാണ് പകരുന്നത്. കലയ്ക്കും ബാലതാരത്തിനുമുള്ള സംസ്ഥാന അവാര്‍ഡ് കരസ്ഥമാക്കിയ പ്യാലി ജൂലൈ 8ന് തീയറ്ററുകളില്‍ പ്രദര്‍ശനത്തിനെത്തും. ബാര്‍ബി ശര്‍മ്മ, ജോര്‍ജ് ജേക്കബ്, ശ്രീനിവാസന്‍, മാമുക്കോയ, അപ്പാനി ശരത്, റാഫി, അല്‍ത്താഫ് സലിം, സുജിത് ശങ്കര്‍, ആടുകളം മുരുഗദോസ് തുടങ്ങിയവരാണ് പ്രധാന താരനിരക്കാര്‍.
ക്യാമറ ജിജു സണ്ണി, സംഗീതം പ്രശാന്ത് പിള്ള, എഡിറ്റിങ് ദീപു ജോസഫ്, പ്രൊജക്റ്റ് ഡിസൈനര്‍ ഗീവര്‍ തമ്പി, സൗണ്ട് ഡിസൈന്‍ രംഗനാഥ് രവി, പ്രൊഡക്ഷന്‍ ഡിസൈനര്‍ സന്തോഷ് രാമന്‍, പ്രൊഡക്ഷന്‍ കണ്‍ട്രോളര്‍ ഷിഹാബ് വെണ്ണല, മേക്കപ്പ് ലിബിന്‍ മോഹന്‍, കോസ്റ്റ്യൂം സിജി തോമസ്, കലാ സംവിധാനം സുനില്‍ കുമാരന്‍, വരികള്‍ പ്രീതി പിള്ള, ശ്രീകുമാര്‍ വക്കിയില്‍, വിനായക് ശശികുമാര്‍, സ്റ്റില്‍സ് അജേഷ് ആവണി, പി.ആര്‍.ഒ പ്രതീഷ് ശേഖര്‍, ഡിജിറ്റല്‍ മാര്‍ക്കറ്റിംഗ് അനൂപ് സുന്ദരന്‍, നൃത്ത സംവിധാനം നന്ദ, ഗ്രാഫിക്‌സ് WWE, അസോസിയേറ്റ് ഡയറക്ടര്‍ അലക്‌സ്, ശ്യാം പ്രേം എന്നിവരാണ് മറ്റ് അണിയറക്കാര്‍.
Recent Comments