ഷെയ്ന്‍ നിഗം, ആന്റണി വര്‍ഗ്ഗീസ്, നീരജ് മാധവ് എന്നിവരെ കേന്ദ്രകഥാപാത്രങ്ങളാക്കി നവാഗതനായ നഹാസ് ഹിദായത്ത് സംവിധാനം ചെയ്യുന്ന ആര്‍.ഡി.എക്‌സിന്റെ പൂജ ഇന്ന് രാവിലെ അഞ്ചുമന ക്ഷേത്രത്തില്‍വച്ച് നടന്നു. ഷെയ്‌നും ആന്റണിക്കും നീരജിനുമൊപ്പം സംവിധായകനും നടനുമായ ലാലും ചടങ്ങില്‍ പങ്കുകൊണ്ടു. ലാലും ഇതില്‍ ഒരു പ്രധാന വേഷം ചെയ്യുന്നു.
വീക്കെന്റ് ബ്ലോക്ക് ബസ്റ്ററിന്റെ ബാനറില്‍ സോഫിയ പോളാണ് ചിത്രം നിര്‍മ്മിക്കുന്നത്. ആര്‍.ഡി.എക്‌സിന്റെ ഷൂട്ടിംഗ് ആഗസ്റ്റ് 25 ന് ഫോര്‍ട്ട് കൊച്ചിയില്‍ ആരംഭിക്കും.
ആക്ഷന്‍ ത്രില്ലറാണ് ചിത്രം ഇന്ത്യയിലെ പ്രമുഖ ആക്ഷന്‍ കോറിയോഗ്രാഫേഴ്‌സായ അന്‍മ്പറിവാണ് സംഘട്ടനം ഒരുക്കുന്നത്. ഇരുവരും പൂജാചടങ്ങില്‍ പങ്കുകൊണ്ടു.
മഹിമയും ഐമയുമാണ് ചിത്രത്തിലെ നായികമാര്‍. ബൈജു, മാലാപാര്‍വ്വതി എന്നിവരും താരനിരയിലുണ്ട്. അലക്‌സ് പുളിക്കല്‍ ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ പ്രൊഡക്ഷന്‍ കണ്‍ട്രോളര്‍ ജാവേദ് ചെമ്പാണ്.
Recent Comments