ഇന്ദ്രന്‍സിന് മികച്ച നടനുള്ള സംസ്ഥാന അവാര്‍ഡ് നേടിക്കൊടുത്ത
ആളൊരുക്കത്തിന് ശേഷം ദേശീയ അവാര്‍ഡ് ജേതാവ് വി സി അഭിലാഷ് സംവിധാനം ചെയ്യുന്ന രണ്ടാമത്തെ ചിത്രമാണ് സബാഷ് ചന്ദ്രബോസ്.
വിഷ്ണു ഉണ്ണികൃഷ്ണനും ജോണി ആന്റണിയുമാണ് മുഖ്യവേഷങ്ങള്‍ ചെയ്യുന്നത്. ചിത്രം ആഗസ്റ്റ് 5ന് തീയറ്ററുകളിലെത്തും.
ജോളിവുഡ് മൂവീസിന്റെ ബാനറില്‍ ജോളി ലോനപ്പനാണ് ചിത്രം നിര്‍മ്മിക്കുന്നത്. ചിത്രത്തിന്റെ മോഷന്‍ പോസ്റ്റര്‍ നടന്‍ ജയസൂര്യ ഫേസ്ബുക്ക് പേജിലൂടെ പുറത്ത് വിട്ടു. പ്രമുഖ വിഷ്വല്‍ ഇഫക്ട്‌സ് ഡിസൈനേഴ്സായ ഡ്രിക് എഫ് എക്‌സാണ് മോഷന്‍ പോസ്റ്റര്‍ തയ്യാറാക്കിയത്.
ജുറാസിക് പാര്‍ക്ക് അടക്കമുള്ള വിദേശ സിനിമകള്‍ കേരളത്തിലെത്തിച്ച ക്യാപ്പിറ്റല്‍ സ്റ്റുഡിയോസ് ആണ് ചിത്രം തീയറ്ററുകളില്‍ എത്തിയ്ക്കുന്നത്.
1980 കളിലെ തെക്കന്‍ കേരളത്തിന്റെ കഥയാണ് ചിത്രം പറയുന്നത്. ചിത്രത്തിന്റെ ടീസറും ഗാനങ്ങളും ഇതിനോടകം തന്നെ പ്രേക്ഷക ശ്രദ്ധ നേടിയിരുന്നു. ശ്രീനാഥ് ശിവശങ്കരന്‍ സംഗീതം നല്‍കിയ ചിത്രത്തിലെ കാമുകിപ്പാട്ട് എന്ന പ്രണയ ഗാനം ട്രെന്‍ഡിങിലും ഹിറ്റ് ചാര്‍ട്ടിലും ഇടം പിടിച്ചിരുന്നു.
‘ഉണ്ട’, ‘സൂപ്പര്‍ ശരണ്യ’ എന്നീ ചിത്രങ്ങള്‍ക്ക് ശേഷം സജിത്ത് പുരുഷന്‍ ആണ് ഈ ചിത്രത്തിന് വേണ്ടി ക്യാമറ ചലിപ്പിച്ചിരിക്കുന്നത്. ഗാനങ്ങള്‍ രചിച്ചിരിക്കുന്നത് സംവിധായകനായ വിസി അഭിലാഷും അജയ് ഗോപാലും ചേര്‍ന്നാണ്. എഡിറ്റിംഗ് സ്റ്റീഫന്‍ മാത്യുവും ലൈന്‍ പ്രൊഡ്യൂസര്‍ ജോസ് ആന്റണിയും നിര്‍വ്വഹിച്ചിരിക്കുന്നു.
Recent Comments