വോയ്‌സ് ഓഫ് സത്യനാഥനെ ഇരു കൈയും നീട്ടി സ്വീകരിച്ച് കുടുംബ പ്രേക്ഷകര്‍. ഇതോടെ കേരളത്തില്‍ ബോക്‌സ് ഓഫീസ് കളക്ഷനില്‍ ഏറ്റവും കൂടുതല്‍ തുക നേടുന്ന അഞ്ചാമത്തെ ചിത്രമായി വോയ്‌സ് ഓഫ് സത്യനാഥന്‍ മാറിയിരിക്കുകയാണ്. ഒരുകോടി എണ്‍പതു ലക്ഷം ഗ്രോസ് കളക്ഷന്‍ ആദ്യ ദിനം ചിത്രം നേടി. എങ്ങും ഹൗസ് ഫുള്‍ ഷോകള്‍ തുടരുകയാണ്. വാരിസ്, പൊന്നിയിന്‍ സെല്‍വന്‍ 2, പത്താന്‍, 2018 എന്നീ സിനിമകള്‍ കഴിഞ്ഞാല്‍ കേരള ബോക്‌സ് ഓഫീസിന്റെ റെക്കോര്‍ഡില്‍ സത്യനാഥന്‍ ഇടം നേടി.
ജനപ്രിയനായകന്‍ ദിലീപിന്റെ വന്‍ തിരിച്ചു വരവാണ് ചിത്രത്തില്‍. തമാശയും വൈകാരിക രം?ഗങ്ങളും ഇടകലര്‍ന്ന ചിത്രത്തില്‍ ജോജു ജോര്‍ജ്, സിദ്ദിഖ് എന്നിവരുടെ ഗംഭീര പ്രകടനങ്ങളും ശ്രദ്ധേയമാണ്. തിയേറ്ററുകളിലേക്ക് നര്‍മ്മത്തിന് പ്രാധാന്യം നല്‍കി ഒരുക്കിയ ക്ലീന്‍ എന്റര്‍ടൈന്റിന് മികച്ച പ്രതികരണങ്ങളാണ് ലഭിക്കുന്നത്.
നിഷ്‌കളങ്കമായ വാക്കുകളും അതില്‍ മറഞ്ഞിരിക്കുന്ന കെണികളുമാണ് സത്യനാഥന്റെ ജീവിതത്തെ കുഴപ്പത്തിലാക്കുന്നത്. ജീവിതത്തിലുണ്ടാകുന്ന അപ്രതീക്ഷിതമായ ട്വിസ്റ്റുകളാണ് സത്യനാഥന്റെ ജീവിതം മാറ്റിമറിക്കുന്നത്. ചിത്രം പ്രേക്ഷകരെ കുടുകുടെ ചിരിപ്പിക്കുന്നുണ്ട്. സത്യനാഥന്റെ പ്രകടനം ആസ്വദിക്കാനായെന്നാണ് തീയേറ്ററുകളില്‍ നിന്നുള്ള പ്രതികരണം.
റാഫി സിനിമകളുടെ മികവ് സത്യനാഥനിലും കാണാന്‍ കഴിയുന്നുണ്ട്. ചിരിയും സ്‌നേഹവുമാണ് സത്യനാഥന്‍ എന്ന കഥാപാത്രത്തിന്റെ വ്യക്തിത്വം. തമാശ കാര്യമാകുമ്പോഴും മുഷിപ്പില്ലാതെ ചിത്രം മുന്നോട്ടു പോകുന്നുണ്ട്. പൊട്ടിച്ചിരിച്ചും കണ്ണീരണിയിച്ചും സത്യനാഥന്‍ കുടുംബ പ്രേക്ഷകരെ പിടിച്ചിരുത്തുന്നുണ്ട്.
‘ദിലീപ്, ജോജു, സിദ്ദിഖ് എന്നിവരുടെ പ്രകടനമാണ് സിനിമയുടെ ഏറ്റവും വലിയ പ്ലസ് പോയിന്റ്. ജോജുവിന്റെ പ്രകടനം സിനിമയ്ക്ക് ഗുണം ചെയ്തിട്ടുണ്ട്. കുടുംബത്തിന് ധൈര്യമായി കയറി കാണാവുന്ന സിനിമയാണ് വോയ്‌സ് ഓഫ് സത്യനാഥന്‍. രണ്ടര മണിക്കൂര്‍ ആസ്വദിക്കാനുള്ള ഐറ്റം ചിത്രത്തിലുണ്ട്.’ സമുഹമാധ്യമങ്ങിലെ പ്രതികരണം ഇങ്ങനെ പോകുന്നു.
Recent Comments