തിറ പ്രമേയമാക്കി ഒരുക്കിയ സെക്ഷന്‍ 306 ഐപിസി എന്ന ചിത്രത്തിന്റെ ഓഡിയോ പ്രകാശനം ചെയ്തു. നിര്‍മ്മാതാവ് ജയശ്രീ, സംവിധായകന്‍ ശ്രീനാഥ് ശിവ, നടന്മാരായ ജയരാജ് വാര്യര്‍, ശ്രീജിത്ത് വര്‍മ്മ, സംഗീത സംവിധായകന്‍ ദീപാങ്കുരന്‍ തുടങ്ങിയവര്‍ പങ്കെടുത്തു. തിറ പ്രമേയമായ കാന്താര എന്ന സൂപ്പര്‍ ഹിറ്റ് സിനിമ ആസ്വദിച്ച പ്രേക്ഷകര്‍ക്ക് ഈ ചിത്രം വേറിട്ട ദൃശ്യ അനുഭവമായിരിക്കും.
യുവ നോവലിസ്റ്റായ അശ്വതി മേലെപാട്ടിനെ ആത്മഹത്യയിലേക്ക് നയിച്ച വാക്കുകള്‍. ദൈവഹിതമായി അത് അവളുടെ മരണത്തിലേക്ക് നയിച്ചു. ഒരാളുടെ മരണത്തിന് കാരണമായ വാക്കോ പ്രവൃത്തിയോ മറ്റൊരാളില്‍ നിന്നും ഉണ്ടായാല്‍ ഉള്ള കേസാണ് സെക്ഷന്‍ 306 ഐപിസി. അശ്വതിയുടെ തൂലികയില്‍ വിരിഞ്ഞ വാക്കുകള്‍ക്ക് കത്തിയുടെ മൂര്‍ച്ചയുണ്ടായിരുന്നു. കേന്ദ്രകഥാപാത്രമായ അശ്വതിയെ അവതരിപ്പിക്കുന്നത് നായിക ശിവകാമിയാണ്. ശാന്തികൃഷ്ണ, രഞ്ജി പണിക്കര്‍, ശ്രീജിത്ത് വര്‍മ്മ എന്നിവര്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു. മെറീന മൈക്കിള്‍, രാഹുല്‍ മാധവ്, ജയരാജ് വാര്യര്‍, കലാഭവന്‍ റഹ്മാന്‍, മനുരാജ്, എം ജി ശശി, പ്രിയനന്ദനന്‍, റിയ, സാവിത്രിയമ്മ തുടങ്ങിയവരും ചിത്രത്തിന്റെ ഭാഗമാകുന്നു.
ശ്രീവര്‍മ പ്രൊഡക്ഷന്‍സിന്റെ ബാനറില്‍ ശ്രീജിത്ത് വര്‍മ്മയാണ് ചിത്രം നിര്‍മ്മിച്ചിരിക്കുന്നത്. ശ്രീനാഥ് ശിവ കഥയെഴുതി സംവിധാനം ചെയ്തിരിക്കുന്ന ചിത്രത്തിന്റെ തിരക്കഥയും സംഭാഷണവും ഒരുക്കിയിരിക്കുന്നത് വിഎച്ച് ദിനാര്‍. ഛായാഗ്രഹണം പ്രദീപ് നായര്‍. കൈതപ്രം വിശ്വനാഥന്‍, വിദ്യാധരന്‍ മാസ്റ്റര്‍, ദീപാങ്കുരന്‍ എന്നിവരാണ് സംഗീതം ഒരുക്കിയിരിക്കുന്നത്. ഗാനരചന കൈതപ്രം ബി കെ ഹരിനാരായണന്‍. പശ്ചാത്തല സംഗീതം ബിജിബാല്‍. എഡിറ്റിംഗ് സിയാന്‍ ശ്രീകാന്ത്. കല എം ബാവ. കോസ്റ്റ്യൂം ഷിബു പരമേശ്വരന്‍. മേക്കപ്പ് ലിബിന്‍ മോഹന്‍. ചീഫ് അസോസിയേറ്റ് ഡയറക്ടര്‍ കുഞ്ഞ്, മോഹന്‍ സി നീലിമംഗലം. അസോസിയേറ്റ് ഡയറക്ടര്‍സ് സുമിലാല്‍, കിരണ്‍ മോഹന്‍. പ്രൊഡക്ഷന്‍ എക്‌സിക്യൂട്ടീവ് സക്കീര്‍ഹുസൈന്‍ പ്രൊഡക്ഷന്‍ ഡിസൈനര്‍ രെജിഷ് ഒറ്റപ്പാലം.പ്രൊഡക്ഷന്‍ കണ്‍ട്രോളര്‍ ഷാജി ഒലവക്കോട്.
ചിത്രം ഉടന്‍ റിലീസിനെത്തും. പിആര്‍ഒ എം കെ ഷെജിന്‍.
Recent Comments