കനൽച്ചൂളയിലെ പ്രതികാര ദാഹവുമായി ഷോലൈ ദി സ്ക്രാപ്പ് ഷോപ്പ് എത്തുന്നു

സൗഹൃദങ്ങളുടെ അതിർവരമ്പുകൾക്കപ്പുറം സഹോദര സ്നേഹത്തിന്റെ തീവ്രത വരച്ചുകാട്ടുന്ന ചിത്രമാണ് ഷോലൈ ദി സ്ക്രാപ്പ് ഷോപ്പ്. ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി.

പരുക്കനായ നായകസങ്കല്പം മലയാളസിനിമയ്ക്ക് അന്യമല്ല, എങ്കിലും ഹൃദയത്തിൽ തട്ടുന്ന വേദന ഉള്ളിലൊതുക്കി കൊണ്ട് കനൽ എരിയുന്ന മനസ്സുമായി ശത്രുവിനോട് പൊരുതുന്ന നായകനെ, വേറിട്ട ഒരു ആഖ്യാനരീതി യിലൂടെയാണ് നവാഗതസംവിധായകനായ സിജു ഖമർ അവതരിപ്പിച്ചിരിക്കുന്നത്. കൊലപാതകം ഇപ്പോൾ നാട്ടിൽ സർവസാധാരണമായി കൊണ്ടിരിക്കുന്ന അവസ്ഥയിൽ, ഇത്തരം സംഭവകഥകൾ വെള്ളിത്തിരയുടെ അഭ്രപാളികളിൽ കാണുമ്പോഴാണ് ഉറ്റവരെ നഷ്ടപ്പെട്ട വേദന നാം തിരിച്ചറിയുന്നത്. മിന്നൽ വേഗതയിൽ ചടുലമായ സംഘട്ടനരംഗങ്ങൾ ഷോലൈ എന്ന സിനിമയുടെ സുപ്രധാന ഘടകമാണ്. വശ്യത തുളുമ്പുന്ന പ്രണയാർദ്രമായ ഗാനരംഗങ്ങൾ ചിത്രത്തിന് മാറ്റ് കൂട്ടുന്നു.

അയാൻ ആദി, രാജേഷ് ഈശ്വർ, അരിസ്റ്റോ സുരേഷ്, വി കെ ബൈജു, അനീസ് ഖാൻ, കൃഷ്ണദാസ്, അജിത് സോമദാസ്, ക്‌ളീറ്റസ് സ്നേഹ വിജീഷ്, ദീപ്തി തുടങ്ങിയവരാണ് ചിതത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.

സിജു ഖമറാണ് കഥയും സംവിധാനവും നിർവഹിച്ചിരിക്കുന്നത്. സിജു ഖമർ, അൻസാർ ഹനീഫ്, സുജിത് നായർ തുടങ്ങിയവരാണ് തിരക്കഥ സംഭാഷണം രചിച്ചിരിക്കുന്നത്. മന്ന മൂവിസിന്റെ ബാനറിൽ സ്കറിയ ചാക്കോ(ബാബു മൂലെ പറമ്പിൽ) സിജു ഖമർ എന്നിവർ ചേർന്നാണ് ചിത്രം നിർമിച്ചിരിക്കുന്നത്.

ചായാഗ്രഹണം കൈകാര്യം ചെയ്യുന്നത് ജഗദീഷ് വി വിശ്വം, ജി കെ രവികുമാർ എന്നിവർ ചേർന്നാണ്. എഡിറ്റിംഗ് നിതിൻ നിബു. ഗാനരചന നിർവഹിക്കുന്നത് ഹാരിസ് കാസിമും സിജു ഖമർ ചേർന്നാണ്. ഗാനങ്ങൾക്ക് സംഗീതം നിർവഹിച്ചിരിക്കുന്നത് ഹരീഷ് പുലത്തറ. ശ്രുതിഷ് ചേർത്തല, ഹാരിസ് കാസിം എന്നിവരാണ്. പാടിയിരിക്കുന്നത് വിധു പ്രതാപ്, ഹരീഷ് പുലത്തറ, കാവ്യാ സത്യൻ, ഷെരീഫ് ന ട്ടസ്തുടങ്ങിയവരാണ്. പശ്ചാത്തലസംഗീതം നിർവ്വഹിച്ചിരിക്കുന്നത് ജോസി ആലപ്പുഴയാണ്. അസോസിയേറ്റ് ഡയറക്ടേഴ്സ് ശ്രീജിത്ത് നന്ദൻ, സാജൻ ജോർജ്. എക്സിക്യൂട്ടീവ് പ്രൊഡ്യൂസേഴ്സ് കാർത്തികേയൻ, അമ്പിളി കാർത്തികേയൻ. പി ആർ ഓ എം കെ ഷെജിൻ ആലപ്പുഴ.