മുന്നൂറോളം പുതമുഖങ്ങളെ അണിനിരത്തി ഖൈസ് മിലെന്‍ തിരക്കഥയെഴുതി സംവിധാനം ചെയ്ത ചിത്രമാണ് ‘തല’. പത്ത് കുട്ടികള്‍ കേന്ദ്ര കഥാപാത്രങ്ങള്‍ ആകുന്ന ചിത്രം ഇതിനോടകം സംസ്ഥാന അവാര്‍ഡ് ഉള്‍പ്പെടെ നിരവധി അന്തര്‍ദേശീയ പുരസ്‌കാരങ്ങളും നേടിയിരുന്നു. ബെറ്റര്‍ എര്‍ത്ത് എന്റര്‍ടൈന്‍മെന്റ്‌സ് & മാനിയ മൂവീ മാജിക്‌സിന്റെ ബാനറില്‍ റോഷന്‍ മഹമ്മൂദാണ് ചിത്രം നിര്‍മ്മിക്കുന്നത്.
സുരഭി ലക്ഷ്മി, ഷാലിന്‍ സോയ, ശ്രീവിദ്യ മുല്ലശ്ശേരി, സ്‌നേഹ അനു, ബിനോയ് ആന്റണി, മുരുകന്‍ മാര്‍ട്ടിന്‍, അരുണ്‍ നായര്‍ എന്നീ താരങ്ങളും ചിത്രത്തില്‍ അഭിനയിക്കുന്നു. ചിത്രത്തിലെ സിദ്ദ് ശ്രീറാം പാടിയ ‘പൂങ്കൊടിയേ..’ എന്ന ഗാനം ഏറെ ശ്രദ്ധിക്കപ്പെട്ട പാട്ടുകളിലൊന്നാണ്.
ചേരി ജീവിതത്തിന്റെ അസന്തുലവും അതിജീവന ശ്രമങ്ങളും തീവ്രമായി അവതരിപ്പിക്കുന്ന ‘തല’ നവംബറില്‍ തിയറ്ററുകളില്‍ പ്രദര്‍ശനത്തിനെത്തുമെന്ന് അണിയറപ്രവര്‍ത്തകര്‍ അറിയിച്ചു.
വിനായക് ശശികുമാര്‍, ഖൈസ് മിലെന്‍ എന്നിവരുടെ വരികള്‍ക്ക് അങ്കിത് മേനോനാണ് സംഗീതം പകര്‍ന്നിരിക്കുന്നത്. ഛായാഗ്രഹണം രാജേഷ് രത്‌നാസ്, എഡിറ്റര്‍ ശരത് ഗീതാലാല്‍. ശബ്ദ സംവിധാനം രാജേഷ് പി.എം. കല സാബു സൂര്യ. പ്രൊഡക്ഷന്‍ ഡിസൈന്‍ സജു തങ്കശ്ശേരി. വസ്ത്രാലങ്കാരം അര്‍ച്ചന നായര്‍. ചമയം പ്രദീപ് രങ്കന്‍. പരസ്യകല : ആനന്ദ് രാജേന്ദ്രന്‍. പിആര്‍ഒ എം.കെ. ഷെജിന്‍.
Recent Comments