ജിസ് ജോയിയുടെ സംവിധാനത്തില്‍ ആസിഫ് അലിയും ബിജുമേനോനും ഒന്നിച്ചഭിനയിക്കുന്ന തലവന്റെ ടീസര്‍ റിലീസായി. ഒരു തികഞ്ഞ പോലീസ് കഥ ഏറെ ഉദ്വേഗത്തോടെ അവതരിപ്പിക്കുന്നതാണ് ഈ ടീസറിലെ രംഗങ്ങളെന്ന് സൂചിപ്പിക്കുന്നു. രണ്ടു പൊലീസ് ഉദ്യോഗസ്ഥരുടെ അധികാരത്തിന്റെ സ്വരവും കിടമത്സരവും രംഗങ്ങളില്‍ പ്രകടമാക്കുന്നുണ്ട്.
ജിസ് ജോയിയുടെ മുന്‍ ചിത്രങ്ങളില്‍ ഫാമിലി ഹ്യൂമറുകള്‍ ആയിരുന്നുവെങ്കില്‍ ഇക്കുറി പൂര്‍ണ്ണമായും ത്രില്ലര്‍ ജോണറിലാണ് തലവന്റെ അവതരണം. അരുണ്‍ നാരായണന്‍ പ്രൊഡക്ഷന്‍സ്, ലണ്ടന്‍ സ്റ്റുഡിയോ എന്നിവയുടെബാനറില്‍ അരുണ്‍ നാരായണനും സിജോ വടക്കനും ചേര്‍ന്നാണ് ഈ ചിത്രം നിര്‍മ്മിക്കുന്നത്.
ദിലീഷ് പോത്തന്‍, കോട്ടയം നസീര്‍, അനുശ്രീ ,മിയാ ജോര്‍ജ്, ശങ്കര്‍ രാമകൃഷ്ണന്‍, ജോജി കെ. ജോണ്‍, ദിനേശ്, നന്ദന്‍ ഉണ്ണി, അനുരൂപ്, ബിലാസ് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
Recent Comments