ടൊവിനോ തോമസിനെ നായകനാക്കി ഖാലിദ് റഹ്‌മാന്‍ സംവിധാനം ചെയ്യുന്ന തല്ലുമാല പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രങ്ങളിലൊന്നാണ്. ചിത്രത്തിന്റെ ട്രെയിലര്‍ പുറത്തുവിട്ടിരിക്കുകയാണ് അണിയറക്കാര്‍. ടൈറ്റിലിനെ സൂചിപ്പിക്കുംവിധം ട്രെയിലറില്‍ നിറയെ ‘അടി’രംഗങ്ങളാണ് ദൃശ്യമാകുന്നത്. കൂടാതെ സോഷ്യല്‍മീഡിയയുമായി ബന്ധപ്പെട്ട സൂചനകളും അവിടവിടെയായി ട്രെയിലറില്‍ വന്നുപോകുന്നുണ്ട്.
ചിത്രത്തില്‍ മണവാളന്‍ വസീം എന്ന കഥാപാത്രത്തെയാണ് ടൊവിനോ തോമസ് അവതരിപ്പിക്കുന്നത്. കല്യാണി പ്രിയദര്‍ശനാണ് നായിക. ബീപാത്തുവായി കല്യാണി പ്രിയദര്‍ശനും അഭിനയിക്കുന്നു. ഷൈന്‍ ടോം ചാക്കോ, ചെമ്പന്‍ വിനോദ്, ലുക്ക്മാന്‍ അവറാന്‍ തുടങ്ങിയവരാണ് മറ്റ് പ്രധാന അഭിനേതാക്കള്‍.
ആഷിക് ഉസ്മാന്‍ പ്രൊഡക്ഷന്‍സിന്റെ ബാനറില്‍ ആഷിക് ഉസ്മാനാണ് ചിത്രം നിര്‍മ്മിക്കുന്നത്. മുഹ്‌സിന്‍ പെരാരി തിരക്കഥയും ജിസ്മി ഖാലിദ് ഛായാഗ്രഹണവും നിഷാദ് യൂസഫ് എഡിറ്റിംഗും വിഷ്ണു വിജയ് സംഗീതവും നിര്‍വ്വഹിച്ചിരിക്കുന്നു.
ആഗസ്റ്റ് 12 ന് ലോകമെമ്പാടുമുള്ള തീയേറ്ററുകളില്‍ തല്ലുമാല പ്രദര്‍ശനത്തിനെത്തുന്നു. സെന്‍ട്രല്‍ പിക്‌ച്ചേഴ്‌സാണ് വിതരണക്കാര്‍.
Recent Comments