അജ്മല്‍ അമീര്‍, സത്യരാജ്, വൈ ജി മഹേന്ദ്രന്‍, ശ്രീമന്‍, ദുഷ്യന്ത് തുടങ്ങിയവര്‍ പ്രധാന വേഷങ്ങളിലെത്തുന്ന ‘ദീര്‍ഘദര്‍ഷി’ തമിഴ്നാട്ടില്‍ മികച്ച അഭിപ്രായങ്ങള്‍ നേടി മുന്നേറുകയാണ്. സുന്ദര്‍ എല്‍ പാണ്ടി, പി ജി മോഹന്‍ എന്നിവരാണ് ചിത്രം സംവിധാനം ചെയ്തിരിക്കുന്നത്. തമിഴിലെ സൂപ്പര്‍ഹിറ്റ് സംവിധായകന്‍ ഹരിയുടെ അസോസിയേറ്റ്സായിരുന്നു ഇരുവരും.
തമിഴില്‍ തരംഗം സൃഷ്ടിച്ച ദീര്‍ഘദര്‍ഷി കേരളത്തില്‍ റിലീസിനായി ഒരുങ്ങുകയാണ്. ഡ്രീം ബിഗ് ഫിലിംസാണ് ചിത്രം കേരളത്തില്‍ വിതരണം ചെയ്യുന്നത്. സംഗീത സംവിധായകന്‍ അനിരുദ്ധിന്റെ സഹായിയായിരുന്ന ബാലസുബ്രഹ്‌മണ്യം ആദ്യമായി സ്വതന്ത്ര സംഗീത സംവിധായകനാകുന്ന ചിത്രം കൂടിയാകും ഇത്. ചിത്രത്തിലെ പോലീസ് കാരന്‍, അണ്ഡം ആടാ എന്നീ ഗാനങ്ങള്‍ ഇതിനോടകം തന്നെ ഹിറ്റ് ചാര്‍ട്ടില്‍ ഇടം നേടിക്കഴിഞ്ഞു. ലക്ഷ്മണാണ് ക്യാമറാമാന്‍.
തമിഴ്നാട്ടില്‍ ഒട്ടേറെ കോളിളക്കം സൃഷ്ടിച്ച ഒരു കേസിനെ ആസ്പദമാക്കിയാണ് സിനിമ അണിയിച്ചൊരുക്കിയിരിക്കുന്നത്. കഴിഞ്ഞ നാല് വര്‍ഷങ്ങളില്‍ നടന്ന നിരവധി ക്രൈം വാര്‍ത്തകളും സിനിമയില്‍ സംവിധായകര്‍ സംസാരിക്കുന്നുണ്ട്. ആദിത്യ ഐപിഎസ് എന്ന പോലീസ് ടീമിന്റെ മേധാവി വേഷത്തിലാണ് അജ്മല്‍ അമീര്‍ എത്തുന്നത്.
Recent Comments