പ്രസാദ് ഭാസ്‌കരന്റെ രചനയില്‍ നിസ്സാര്‍ സംവിധാനം ചെയ്യുന്ന ‘ടൂ മെന്‍ ആര്‍മി’ ചിത്രീകരണം പൂര്‍ത്തയായി. സുദിനം, പടനായകന്‍, ബ്രട്ടീഷ് മാര്‍ക്കറ്റ്, ത്രീ മെന്‍ ആര്‍മി, ബുള്ളറ്റ്, അപരന്മാര്‍ നഗരത്തില്‍ തുടങ്ങിയ ചിത്രങ്ങള്‍ സംവിധാനം ചെയ്ത നിസ്സാറിന്റെ ഇരുപത്തിയേഴാമത് സിനിമയാണ് ‘ടൂ മെന്‍ ആര്‍മി’.
ഈ രണ്ട് കഥാപാത്രങ്ങളുടെ മാനസിക സംഘര്‍ഷങ്ങളാണ് ടൂ മെന്‍ ആര്‍മിയുടെ ഇതിവൃത്തം. സ്വന്തമായി അധ്വാനിച്ച് കൂട്ടിയതും, വിദേശത്ത് നിന്ന് മക്കള്‍ അയക്കുന്നതുമായ വലിയൊരളവ് പണം ആര്‍ക്കും കൊടുക്കാതെ സൂക്ഷിച്ച് വച്ച്, നിധി കാക്കുന്ന ഭൂതത്തെപ്പോലെ അതിന് കാവലിരുന്ന് തീര്‍ത്തും ഒറ്റപ്പെട്ടു പോയ വൃദ്ധന്റെ ജീവിതത്തിലേക്ക് എങ്ങനെയും എളുപ്പവഴിയില്‍ പണമുണ്ടാക്കാനുള്ള ലക്ഷ്യവുമായെത്തുന്ന ചെറുപ്പക്കാരന്‍ കടന്നു വരുന്നതോടെ കഥ മാറിമറിയുകയാണ്.
ഇന്ദ്രന്‍സ്, ഷാഹിന്‍ സിദ്ദിഖ് എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. കൈലാഷ്, സുബ്രഹ്‌മണ്യന്‍ ബോള്‍ഗാട്ടി, തിരുമല രാമചന്ദ്രന്‍, അജു.വി.എസ്, സുജന്‍ കുമാര്‍, ജയ്‌സണ്‍ മാര്‍ബേസില്‍, സതീഷ് നടേശന്‍ സ്‌നിഗ്ധ, ഡിനി ഡാനിയേല്‍, അനു ജോജി, രമ മോഹന്‍ദാസ് എന്നിവരാണ് മറ്റ് അഭിനേതാക്കള്‍.
എസ്.കെ. കമ്മ്യൂണിക്കേഷന്റെ ബാനറില്‍ കാസിം കണ്ടോത്താണ് ചിത്രം നിര്‍മ്മിക്കുന്നത്. പ്രൊഡക്ഷന്‍ കണ്‍ട്രോളര്‍: ഷാജി പട്ടിക്കര, എക്‌സിക്യൂട്ടീവ് പ്രൊഡ്യൂസര്‍ : ഷിയാസ് മണോലില്‍.
Recent Comments