വിനീത് ശ്രീനിവാസന്‍ സംവിധാനം ചെയ്യുന്ന വര്‍ഷങ്ങള്‍ക്ക് ശേഷം എന്ന ചിത്രത്തിന്റെ ടീസര്‍ പുറത്തിറങ്ങി. പ്രണവ് മോഹന്‍ലാലിനു ധ്യാന്‍ ശ്രീനിവാസനും പുറമെ കല്യാണി പ്രിയദര്‍ശന്‍, നിവിന്‍ പോളി, അജു വര്‍ഗീസ്, ബേസില്‍ ജോസഫ്, നീരജ് മാധവ്, വൈ ഗീ മഹേന്ദ്ര, ഷാന്‍ റഹ്‌മാന്‍, നീത പിള്ള തുടങ്ങി ഒട്ടനവധി താരനിയും ചിത്രത്തില്‍ അണിനിരക്കുന്നുണ്ട്. ഏപ്രില്‍ 11 നാണ് ചിത്രം തിയേറ്ററുകളില്‍ പ്രദര്‍ശനത്തിനെത്തുന്നത്.
സിനിമയാണ് ചിത്രത്തിന്റെ പ്രധാന പ്രമേയം. തമിഴ് പശ്ചാത്തലത്തില്‍ ധ്യാന്‍ ശ്രീനിവാസന്റെയും പ്രണവ് മോഹന്‍ലാലിന്റെയും കഥാപാത്രത്തെ കാണിച്ച് കൊണ്ടാണ് ടീസര്‍ ആരംഭിക്കുന്നത്. മോഹന്‍ലാലിനെ ഓര്‍മിപ്പിക്കുന്ന പ്രകടനമാണ് പ്രണവ് ടീസറില്‍ കാഴ്ച്ചവെച്ചിരിക്കുന്നത്. സംഗീത സംവിധായകനായ ഷാന്‍ റഹ്‌മാന്‍ അഭിനേതാവായപ്പോള്‍ ഞെട്ടിക്കുന്ന മേക്കോവറാണ് നടത്തിയിരിക്കുന്നത്. ടെയ്ല്‍എന്റ് പഞ്ചായി ‘എല്ലാ നാറികളും ഉണ്ടല്ലോ’ എന്ന ഡയലോഗിന് ശേഷമുള്ള നിവിന്‍ പോളിയുടെ എന്‍ട്രിയാണ് എടുത്ത് പറയേണ്ടത്.
മേരിലാന്റ് സിനിമാസിന്റെ ബാനറില്‍ വൈശാഖ് സുബ്രഹ്‌മണ്യമാണ് വര്‍ഷങ്ങള്‍ക്കു ശേഷം നിര്‍മ്മിക്കുന്നത്. ബോംബൈ ജയശ്രീയുടെ മകന്‍ അമൃത് രാംനാഥാണ് ചിത്രത്തിന് സംഗീതം ഒരുക്കുന്നത്. വിശ്വജിത്താണ് ഛായാഗ്രാഹകന്‍.
Recent Comments