വിശാലിനെ നായകനാക്കി നവാഗതനായ തു.പാ. ശരവണന്‍ രചനയും സംവിധാനവും നിര്‍വ്വഹിച്ച ചിത്രമാണ് ‘വീരമേ വാകൈ സൂടും’. ഫെബ്രുവരി 4 ന് ചിത്രം തീയേറ്ററുകളില്‍ പ്രദര്‍ശനത്തിനെത്തും. ചിത്രത്തിന്റെ ട്രെയിലറും ട്രെന്‍ഡിംഗ് ലിസ്റ്റില്‍ ഒന്നാമതാണ്. ഇതിനോടകം 2.5 മില്യണ്‍ ആള്‍ക്കാരാണ് ട്രെയിലര്‍ കണ്ടിരിക്കുന്നത്.
‘Rise of a common man’ എന്നാണ് ചിത്രത്തിന്റെ ടാഗ് ലൈന്‍. ഭരണകൂടത്തിനും ഭരണ സ്വാധീനമുള്ള ദുഷ്ട വ്യക്തികള്‍ക്കും നേരെ ഒരു സാധാരണ ചെറുപ്പക്കാരന്‍ നടത്തുന്ന ഒറ്റയാള്‍ പോരാട്ടത്തിന്റെ കഥയാണ് ചിത്രം പറയുന്നത്. ആക്ഷന്‍ എന്റര്‍ടെയിനറാണ്. അനല്‍ അരസു, രവി വര്‍മ്മ, ദിനേശ് കാശി എന്നിവരാണ് ചിത്രത്തിലെ സാഹസികമായ സംഘട്ടന രംഗങ്ങള്‍ ഒരുക്കിയിരിക്കുന്നത്.
വിശാലിന്റെ പ്രതിനായകനായി ബാബുരാജ് എത്തുന്നു. ഡിംപിള്‍ ഹയാതിയാണ് നായിക. മലയാളിയായ രവീണാ രവിയും ചിത്രത്തിലെ മറ്റൊരു ശക്തമായ കഥാപാത്രത്തെ അവതരിപ്പിക്കുന്നു. തുളസി, കവിതാ ഭാരതി, യോഗി ബാബു, ജോര്‍ജ് മരിയ, മാരിമുത്ത്, ബ്ലാക്ക്ഷീപ്പ് ദീപ്തി, മഹാ ഗാന്ധി എന്നിവരാണ് ചിത്രത്തിലെ മറ്റു പ്രധാന അഭിനേതാക്കള്‍. യുവന്‍ ഷങ്കര്‍രാജയാണ് സംഗീത സംവിധായകന്‍.
മുമ്പ് നിരവധി തവണ റിലീസ് തീയതികള്‍ പ്രഖ്യാപിച്ചിരുന്നുവെങ്കിലും കോവിഡ് നിയന്ത്രണങ്ങളില്‍ കുടുങ്ങി പ്രദര്‍ശനം തടസ്സപ്പെടുകയായിരുന്നു. അതിനെയെല്ലാം അതിജീവിച്ചാണ് വിശാലിന്റെ ‘വീരമേ വാകൈ സൂടും’ ഫെബ്രുവരി 4 ന് പ്രദര്‍ശനത്തിനെത്തുന്നത്. വാര്‍ത്താപ്രചരണം സി.കെ. അജയ് കുമാര്‍.
Recent Comments