മള്‍ട്ടിസ്റ്റാര്‍ സാന്നിദ്ധ്യത്തിലൂടെ എത്തുന്ന വിരുന്ന് എന്ന ചിത്രത്തിന്റെ ഒഫീഷ്യല്‍ ടീസര്‍ പുറത്തുവിട്ടിരിക്കുന്നു. കണ്ണന്‍ താമരക്കുളം സംവിധാനം ചെയ്യുന്ന ചിത്രം നിര്‍മ്മിക്കുന്നത് നെയ്യാര്‍ ഫിലിംസിന്റെ ബാനറില്‍ അഡ്വ. ഗിരീഷ് നെയ്യാറാണ്.
തെന്നിന്ത്യന്‍ ആക്ഷന്‍ ഹീറോ അര്‍ജുന്‍ കേന്ദ്ര കഥാപാത്രത്തെ അവതരിപ്പിക്കുന്ന ചിത്രത്തില്‍ നിക്കി ഗല്‍റാണി നായികയാകുന്നതും ഈ ചിത്രത്തെ ഏറെ ആകര്‍ഷകമാക്കുന്നു ഏറെ ദുരുഹതകള്‍ ഒരുക്കിക്കൊണ്ടാണ് കണ്ണന്‍ താമരക്കുളം ഈ ടീസര്‍ ഒരുക്കിയിരിക്കുന്നതെന്ന് ടീസര്‍ ശ്രദ്ധിച്ചാല്‍ മനസ്സിലാകും. പ്രേക്ഷകര്‍ ഏറെ കൗതുകമായിത്തന്നെ ഈ ടീസറിന്നെ ഏറ്റെടുത്തു എന്നാണ് സോഷ്യല്‍ മീഡിയായില്‍ ഇതിന്റെ പ്രതികരണം എത്തിയിരിക്കുന്നത്. ഉദ്വേഗവും, സസ്‌പെന്‍സുമൊക്കെ ടീസറില്‍ വ്യക്തമാകുന്നു. ഇത് ഈ ചിത്രത്തിന്റെ
പൊതുസ്വഭാവം തന്നെയാണന്നത് വ്യക്തം. ആഗസ്റ്റ് ഇരുപത്തിമൂന്നിന് പ്രദര്‍ശനത്തിനെത്തുന്ന ഈ ചിത്രത്തിന്റെ പ്രൊമോഷന്റെ ഭാഗമായിട്ടാണ് ഈ ടീസര്‍ പുറത്തുവിട്ടിരിക്കുന്നത്.
മുകേഷ്, ഗിരീഷ് നെയ്യാര്‍, ആജു വര്‍ഗീസ്, ബൈജു സന്തോഷ് എന്നിവരും മുഖ്യ കഥാപാത്രങ്ങളാകുന്നു. ധര്‍മ്മജന്‍ ബോള്‍ഗാട്ടി, ഹരീഷ് പെരടി, അജയ് വാസുദേവ്, സോനാ നായര്‍ എന്നിവരും പ്രധാന താരങ്ങളാകുന്നു.
തിരക്കഥ-ദിനേശ് പള്ളത്ത്. ഗാനങ്ങള്‍- കൈതപ്രം, റഫീഖ് അഹമ്മദ്. സംഗീതം – രതീഷ് വേഗ, സാനന്ദ് ജോര്‍ജ്. പശ്ചാത്തല സംഗീതം. റോണി റാഫേല്‍. ഛായാഗ്രഹണം രവിചന്ദ്രന്‍. എഡിറ്റിംഗ് – വി.റ്റി. ശ്രീജിത്ത്.
കലാസംവിധാനം – സഹസ് ബാല. മേക്കപ്പ് – പ്രദീപ് രംഗന്‍. കോസ്റ്റ്യും ഡിസൈന്‍- അരുണ്‍ മനോഹര്‍. നിശ്ചല ഛായാഗ്രഹണം. ശ്രീജിത്ത് ചെട്ടിപ്പടി. ചീഫ് അസ്സോസ്സിയേറ്റ് ഡയറക്ടര്‍ – സുരേഷ് ഇളമ്പല്‍ പ്രൊഡക്ഷന്‍ എക്‌സിക്കുട്ടീവ്. അഭിലഷ് അര്‍ജുന്‍. നിര്‍മ്മാണ നിര്‍വ്വഹണം – അനില്‍ അങ്കമാലി, രാജീവ് കൊടപ്പനക്കുന്ന്, പി.ആര്‍.ഒ വാഴൂര്‍ ജോസ്.
Recent Comments