സാമന്ത പ്രധാന വേഷത്തിലെത്തുന്ന പാന്‍ ഇന്ത്യന്‍ ചിത്രമായ യാശോദയുടെ ചിത്രീകരണം പൂര്‍ത്തിയായി. ഇരട്ട സഹോദരങ്ങളായ ഹരിയും ഹരീഷും ചേര്‍ന്നാണ് സംവിധാനം ചെയ്യുന്ന ചിത്രത്തില്‍ ഉണ്ണി മുകുന്ദനും മറ്റൊരു പ്രധാന കഥാപാത്രത്തെ അവതരിപ്പിക്കുന്നു. ഇനി ചിത്രത്തിന്റെ ക്ലൈമാക്‌സ് രംഗങ്ങളാണ് ചിത്രീകരിക്കാനുള്ളത്. കൊടൈക്കനാലിലാണ് ചിത്രീകരണം. കൂടാതെ ഒരു ഗാനം കൂടി ചിത്രീകരിക്കാനുണ്ട്.
തെലുങ്കിനു പുറമേ ഹിന്ദി, തമിഴ്, കന്നഡ, മലയാളം എന്നീ ഭാഷകളിലും ചിത്രം റിലീസ് ചെയ്യും. ചിത്രത്തിന്റെ ഡബ്ബിങ് ജോലികള്‍ ഉടന്‍തന്നെ ആരംഭിക്കും. ശ്രീദേവി മൂവീസാണ് ചിത്രം നിര്‍മ്മിക്കുന്നത്.
വരലക്ഷ്മി ശരത്കുമാര്‍, റാവു രമേഷ്, മുരളി ശര്‍മ്മ, സമ്പത്ത് രാജ്, ശത്രു, മധുരിമ, കല്‍പിക ഗണേഷ്, ദിവ്യ ശ്രീപാദ, പ്രിയങ്ക ശര്‍മ്മ തുടങ്ങിയവരും മറ്റു പ്രധാന കഥാപാത്രങ്ങളെ അവതരിപ്പിക്കുന്നു. ചിത്രത്തിന്റെ ടീസര്‍ ജൂലൈ അവസാനത്തോടുകൂടി പുറത്തുവിടും. ആഗസ്റ്റ് 12ന് ചിത്രം തിയേറ്ററുകളില്‍ എത്തും.
Recent Comments