നടന്‍ മുകേഷിന്റെ മുന്നൂറാമത് ചിത്രമായ ‘ഫിലിപ്പി’ന്റെ രസകരമായ ടീസര്‍ റിലീസ് ചെയ്തു. മുകേഷ്, ഇന്നസെന്റ്, നോബിള്‍ ബാബു തോമസ്, നവനി ദേവാനന്ദ്, ക്വിന്‍ വിബിന്‍ എന്നിവരെ പ്രധാന കഥാപാത്രങ്ങളാക്കി ആല്‍ഫ്രഡ് കുര്യന്‍ ജോസഫ് സംവിധാനം ചെയ്യുന്ന ചിത്രമാണിത്. ലിറ്റില്‍ ബിഗ് ഫിലിംസിന്റെ ബാനറില്‍ സുവിന്‍ കെ വര്‍ക്കി, പ്രശോഭ് കൃഷ്ണ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
ഹെലന്‍ എന്ന ചിത്രത്തിന് ശേഷം അതിന്റെ അണിയറ പ്രവര്‍ത്തകര്‍ വീണ്ടും ഒന്നിക്കുന്ന ‘ഫിലിപ്‌സ്’ നവംബറില്‍ തീയേറ്ററുകളില്‍ പ്രദര്‍ശനത്തിനെത്തും. മാത്തുക്കുട്ടി സേവ്യറും ആല്‍ഫ്രഡും ചേര്‍ന്നാണ് ചിത്രത്തിന്റെ രചന നിര്‍വഹിച്ചിരിക്കുന്നത്. അന്തരിച്ച നടന്‍ ഇന്നസെന്റിന്റെ അവസാനമായി അഭിനയിച്ച ചിത്രമാണിത്. ശ്രീധന്യ, അജിത് കോശി, അന്‍ഷാ മോഹന്‍, ചാര്‍ലി, സച്ചിന്‍ നാച്ചി എന്നിവരും ചിത്രത്തില്‍ അഭിനയിക്കുന്നുണ്ട്.
മൂന്നു മക്കളുമൊത്ത് ബാംഗ്ലൂരില്‍ സ്ഥിരതാമസമാക്കിയ ഫിലിപ്പിനെ അവതരിപ്പിക്കുന്നത് മുകേഷാണ്. ഒരു അപ്രതീക്ഷിത സംഭവം അവരുടെ ജീവിതത്തെ ആകെ മാറ്റി മറിക്കുന്നതാണ് സിനിമയുടെ പ്രമേയം. ബാംഗ്ലൂര്‍, കൊച്ചി എന്നിവിടങ്ങളിലായി സിനിമയുടെ ചിത്രീകരണം പൂര്‍ത്തി. ഫന്റാസ്റ്റിക് ഫിലിംസാണ് ചിത്രം പ്രദര്‍ശനത്തിനെത്തിക്കുന്നത്.
വേള്‍ഡ് വൈഡ് തീയട്രിക്കല്‍ റൈറ്‌സ് – 90’സ് പ്രൊഡക്ഷന്‍. സംഗീതം – ഹിഷാം അബ്ദുള്‍ വഹാബ്, ക്യാമറ – ജെയ്‌സണ്‍ ജേക്കബ് ജോണ്‍, എഡിറ്റിംഗ് – നിധിന്‍ രാജ് അരോള്‍, പ്രൊഡക്ഷന്‍ കണ്‍ട്രോളര്‍ – മനോജ് പൂങ്കുന്നം, എക്‌സിക്യൂട്ടീവ് പ്രൊഡ്യൂസര്‍ – വിനീത് ജെ പുള്ളാടന്‍, ചീഫ് അസ്സോസിയേറ്റ് ഡയറക്ടര്‍ – അനില്‍ എബ്രഹാം, പ്രൊഡക്ഷന്‍ ഡിസൈന്‍ – ദിലീപ് നാഥ്, കോസ്റ്റ്യൂംസ് – അരുണ്‍ മനോഹര്‍, മേക്കപ്പ് – മനു മോഹന്‍, ലിറിക്സ് – അനു എലിസബത്ത് ജോസ്, സംഗീത് രവീന്ദ്രന്‍, വി എഫ് എക്സ് – അക്‌സെല്‍ മീഡിയ, സൗണ്ട് ഡിസൈന്‍ & മിക്സ് – ആശിഷ് ഇല്ലിക്കല്‍, അസ്സോസിയേറ്റ് ഡയറക്ടര്‍ – ധനഞ്ജയ് ശങ്കര്‍, കളറിസ്റ്റ് – ജോജി പാറക്കല്‍, സ്റ്റില്‍സ് – നവീന്‍ മുരളി, ഡിസൈന്‍ – യെല്ലോടൂത്ത്‌സ്.
Recent Comments