‘വയസ്സെത്രയായി? മുപ്പത്തി’ എന്ന പുതിയ ചിത്രത്തിന്റെ പ്രോമോ സോങ് പുറത്തിറങ്ങി. മ്യൂസിക് പ്ലാറ്റ്ഫോമായ ‘സരിഗമ’യിലൂടെയാണ് ഗാനം പുറത്തുവിട്ടിരിക്കുന്നത്. വിഷ്ണു സുഭാഷ്- രാഗ് സാഗര്‍ എന്നിവരുടെ വരികള്‍ക്ക് അനുരാഗ് റാം ആണ് സംഗീതം നിര്‍വഹിച്ചിരിക്കുന്നത്. ദി ഇമ്പാച്ചി, എംസി കൂപ്പര്‍, അനുരാഗ് റാം എന്നിര്‍ ചേര്‍ന്നാണ് ഗാനം ആലപിച്ചിരിക്കുന്നത്. നോ ലിമിറ്റ് ഫിലിംസിന്റെ ബാനറില്‍ അജയന്‍ ഇ. നിര്‍മിച്ച് പപ്പന്‍ ടി നമ്പ്യാര്‍ സംവിധാനം ചെയ്യുന്ന ചിത്രം ഫെബ്രുവരിയില്‍ പ്രദര്‍ശനത്തിനെത്തുന്നു. ഷിജു യുസി യുടെ കഥയ്ക്ക് തിരക്കഥ രചിച്ചിരിക്കുന്നത് ഷിജു യു സി- ഫൈസല്‍ അബ്ദുള്ള എന്നിവര്‍ ചേര്‍ന്നാണ്. ഷമീര്‍ ജിബ്രാനാണ് ഛായാഗ്രാഹകന്‍.
‘വയസ്സെത്രയായി’ എന്നു തുടങ്ങുന്ന ഗാനത്തില്‍, ചിത്രത്തിലെ പ്രധാന അഭിനേതാക്കളെല്ലാം എത്തുന്നുണ്ട്. നേരത്തെ പുറത്തിറങ്ങിയ ചിത്രത്തിന്റെ ഫസ്റ്റ് ലുക്ക് പോസ്റ്ററില്‍ ഗ്രാമീണ പശ്ചാത്തലത്തില്‍ പ്രത്യക്ഷപ്പെട്ട താരങ്ങളെല്ലാം വ്യത്യസ്തമായ രൂപത്തിലും ഭാവത്തിലുമാണ് പ്രൊമോ സോങ്ങില്‍ അവതരിക്കുന്നത് എന്നത് ശ്രദ്ധേയമാണ്. അയ്യപ്പദാസ് നൃത്ത സംവിധാനം നിര്‍വഹച്ചിരിക്കുന്ന ഗാനത്തില്‍, വിവാഹപ്രായമായിട്ടും പെണ്ണുകിട്ടാത്ത ഒരു യുവാവിന്റെ ആകുലതകള്‍ നര്‍മരൂപത്തില്‍ അവതരിപ്പിക്കപ്പെടുന്നുണ്ട്. കാര്‍ത്തിക് രാജ് ആണ് എഡിറ്റിംഗ്.
പ്രശാന്ത് മുരളി, ചിത്ര നായര്‍, ഷിജു യുസി, സാവിത്രി ശ്രീധരന്‍, രമ്യ സുരേഷ് എന്നിവര്‍ക്കൊപ്പം മഞ്ജു പത്രോസ്, ഉണ്ണിരാജ, കലാഭവന്‍ സരിഗ, യു സി നാരായണി, ജയകുമാര്‍, നിര്‍മല്‍ പാലാഴി, പ്രദീപ് ബാലന്‍ തുടങ്ങി നിരവധി പേര്‍ അണിനിരക്കുന്നു. കൈതപ്രവും സന്‍ഫീറും ചേര്‍ന്ന് വരികള്‍ ചിട്ടപ്പെടുത്തിയ ചിത്രത്തിലെ ഗാനങ്ങള്‍ക്ക് സംഗീതം നല്‍കിയിരിക്കുന്നത് സിബു സുകുമാരന്‍, സന്‍ഫീര്‍ എന്നിവരാണ്. ഫസ്റ്റ് ലവ് എന്റര്‍ടെയിന്‍മെന്റ് ആണ് ചിത്രത്തിന്റെ വിതരണം നിര്‍വഹിക്കുന്നത്. പിആര്‍ഒ എം.കെ. ഷെജിന്‍.
Recent Comments