യുവ സംഗീത സംവിധായകന്‍ സായ് സങ്കല്‍പ്പിന്റെ മനോഹര സംഗീതത്തില്‍ ഒരുങ്ങിയ വേനല്‍ കിനാക്കള്‍ മ്യൂസിക്കല്‍ ആല്‍ബം പുറത്തിറങ്ങി. ഒരുപാട് ഹിറ്റ് സിനിമാ ഗാനങ്ങള്‍ക്ക് തൂലിക ചലിപ്പിച്ച എഴുത്തുകാരന്‍ രാജീവ് ആലുങ്കലാണ് ഗാനത്തിന്റെ രചയിതാവ്. ശ്രീകാന്ത് ഹരിഹരനും ശ്രേയ ശ്രീകുമാറും ചേര്‍ന്നാണ് ഈ മനോഹര ഗാനം ആലപിച്ചിരിക്കുന്നത്. റാഫി വക്കം ആണ് ആല്‍ബത്തിന്റെ നിര്‍മ്മാണവും സംവിധാനവും നിര്‍വ്വഹിച്ചിരിക്കുന്നത്.
മനസ്സില്‍ സംഗീതമുണ്ടങ്കില്‍ പ്രായം ഒരു തടസമാണോ?
അതെ 15 വയസ്സിനുള്ളില്‍ രണ്ട് പാട്ടുകള്‍ക്ക് സംഗീതം നല്‍കി വെത്യസ്തനാകുകയാണ് ബാംഗ്ലൂരിലെ മലയാളി വിദ്യാര്‍ത്ഥി സായി സങ്കല്‍പ്പ്. പ്രശസ്ത ഗാനരചയിതാവ് രാജീവ് ആലുങ്കല്‍ രചിച്ച രണ്ട് പാട്ടുകള്‍ക്കാണ് ഈ പത്താം ക്ലാസുകാരന്‍ ജീവന്‍ നല്‍കിയത്. Flowers Top Singer ലെ കുട്ടികളോടൊപ്പം ഇളയ ദളപതി വിജയ് യുടെ സിനിമകളും എ.ആര്‍. റഹ്‌മാന്റെ പാട്ടുകളും പാടിയിട്ടുള്ള ശ്രീകാന്ത് ഹരികുമാര്‍ ഉള്‍പ്പടെയുള്ളവര്‍ സായി സങ്കല്‍പ്പിന്റെ ഈണത്തിന് ശബ്ദം നല്‍കിയിട്ടുണ്ട്. കൂടാതെ സായി സങ്കല്‍പ്പിന്റെ സംഗീതത്തില്‍ നിരവധി ഗാനങ്ങള്‍ Keyframez International UAE ടെ ബാനറില്‍ റിലീസിനൊരുങ്ങുന്നുമുണ്ട്. കീഫ്രെയിംസ് ഇന്റര്‍നാഷണലിന്റെ 150-ാമത് ആല്‍ബമാണ് വേനല്‍ കിനാക്കള്‍. സംഗീത ലോകത്തിനു പുതുപുത്തന്‍ ആശയങ്ങള്‍ കൊണ്ടുവരാനുള്ള പരീക്ഷണത്തിലാണ് ഈ മിടുക്കന്‍ ഇപ്പോള്‍.
ആല്‍ബം കാണാന്‍ ഈ ലിങ്കില്‍ ക്ലിക്ക് ചെയ്യുക: https://www.youtube.com/9FTuo6VU4cM
Recent Comments