നിഴല്‍ മറനീക്കി രഹസ്യത്തിന്റെ ചുരുള്‍ ആഴിക്കുവാന്‍ 12th Man എത്തുന്നു. ദൃശ്യം 2ന് ശേഷം മോഹന്‍ലാലും ജീത്തു ജോസഫും ഒന്നിക്കുന്ന പുതിയ ത്രില്ലര്‍ ചിത്രമായ 12th Man ന്റെ ടീസര്‍ പുറത്ത്. ഒരുപറ്റം ആളുകളുടെ ജീവിതത്തില്‍ അരങ്ങേറുന്ന നിഗൂഢമായ സംഭവത്തിന്റെ സൂചന നല്‍കിയാണ് ഒന്നര മിനിറ്റ് ദൈര്‍ഘ്യമുള്ള ടീസര്‍ അവസാനിക്കുന്നത്.
ആറ് പുരുഷ കഥാപാത്രവും ആറ് സ്ത്രീ കഥാപാത്രവുമാണ് ചിത്രത്തിലുള്ളത്. മോഹന്‍ലാലിനെ കൂടാതെ ഉണ്ണി മുകുന്ദന്‍, അനുശ്രീ, അദിതി രവി, ലിയോണ ലിഷോയ്, വീണ നന്ദകുമാര്‍, ഷൈന്‍ ടോം ചാക്കോ, സൈജു കുറുപ്പ്, ശാന്തി പ്രിയ, പ്രിയങ്ക നായര്‍, ശിവദ എന്നിവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു.
ഹീറോ-ഹീറോയിന്‍ സങ്കല്‍പ്പങ്ങളെ പൊളിച്ചെഴുതുന്ന കഥപറച്ചില്‍ രീതിയാണ് 12th Man അവലംബികുന്നത് എന്ന് സംവിധായകന്‍ ജിത്തു ജോസഫ് മുന്‍പ് പറഞ്ഞിരുന്നു. അസാധാരണ സംഭവങ്ങള്‍ ഒളിപ്പിച്ചിരിക്കുന്ന ഈ സസ്‌പെന്‍സ് ത്രില്ലര്‍ നിര്‍മ്മിച്ചിരിക്കുന്നത് ആശിര്‍വാദ് സിനിമാസ് ആണ്. ഛായാഗ്രഹണം സതീഷ് കുറുപ്പ്. ഡിസ്നി പ്ലസ് ഹോട്ട്സ്റ്റാറില്‍ ചിത്രം റിലീസിനെത്തും. റിലീസ് തീയതി ഉടന്‍ പുറത്തു വിടും.
Recent Comments