പ്രശസ്ത നടി മൈഥിലി ഒരു ആണ്‍കുഞ്ഞിന് ജന്മം നല്‍കി. ഇന്ന് രാവിലെയായിരുന്നു പ്രസവം. അമ്മയും കുഞ്ഞും സുഖമായിരിക്കുന്നു. മൈഥിലി തന്നെയാണ് ഈ വിവരം തന്റെ ഇന്‍സ്റ്റഗ്രാം പോസ്റ്റിലൂടെ പുറത്തുവിട്ടത്.
2022 ഏപ്രിലിലായിരുന്നു മൈഥിലിയും സമ്പത്ത് കുമാറുമായുള്ള വിവാഹം. പ്രശസ്ത ഇന്റീരിയര്‍ ഡിസൈനറാണ് സമ്പത്ത്. ഗുരുവായൂര്‍ ക്ഷേത്രത്തില്‍വച്ചായിരുന്നു വിവാഹം. എറണാകുളത്ത് വിവാഹാനന്തര ചടങ്ങുകളും നടന്നു.
രഞ്ജിത്ത് സംവിധാനം ചെയ്ത പാലേരി മാണിക്യം ഒരു പാതിരാ കൊലപാതകത്തിന്റെ കഥ എന്ന ചിത്രത്തിലൂടെയാണ് മൈഥിലിയുടെ അരങ്ങേറ്റം. തുടര്‍ന്ന് നിരവധി ചിത്രങ്ങളില്‍ ചെറുതും വലുതുമായ വേഷങ്ങള്‍ ചെയ്തു. സാള്‍ട്ട് ആന്റ് പെപ്പര്‍, മായാമോഹിനി, മാറ്റ്‌നി എന്നിവ അവരുടെ ശ്രദ്ധേയമായ ചിത്രങ്ങളാണ്. ഇടയ്ക്ക് ഒരു സിനിമ സംവിധാനം ചെയ്യാനുള്ള ആലോചനകളും നടന്നിരുന്നു. അതിന്റെ ഭാഗമായി സംവിധായകന്‍ രഞ്ജിത്തിന്റെ കീഴില്‍ സംവിധാന സഹായിയായും പ്രവര്‍ത്തിച്ചിട്ടുണ്ട്.
View this post on Instagram
Recent Comments