നരേനെ നായകനാക്കി സുഗീത് സംവിധാനം ചെയ്യുന്ന ചിത്രം ‘ആത്മ’യുടെ ടൈറ്റില്‍ പോസ്റ്റര്‍ നടന്‍ ജയം രവി തന്റെ സോഷ്യല്‍ മീഡിയയിലൂടെ റിലീസ് ചെയ്തു. ഓട്ടിസം ബാധിച്ച ഒരു ചെറുപ്പക്കാരന്‍ പുതുതായി താമസിക്കാന്‍ എത്തിയ വീട്ടിലെ തന്റെ മുറിയില്‍ നിന്നും വ്യത്യസ്തമായ ഒരു സ്ത്രീ ശബ്ദം കേള്‍ക്കാന്‍ തുടങ്ങുന്നതിനെ ചുറ്റിപ്പറ്റിയാണ് ‘ആത്മ’ എന്ന ചിത്രത്തിന്റെ കഥ ആരംഭിക്കുന്നത്. താന്‍ കേള്‍ക്കുന്ന ശബ്ദങ്ങള്‍ക്കു പിന്നിലെ നിഗൂഢതയുടെ ചുരുളഴിക്കാന്‍ അദ്ദേഹം ഒരു അന്വേഷണത്തില്‍ ഏര്‍പ്പെടുമ്പോള്‍, നിരവധി നിഗൂഢ രഹസ്യങ്ങള്‍ വെളിപ്പെടുന്നു. അപ്രതീക്ഷിതമായ വഴിത്തിരിവുകളിലൂടെ സഞ്ചരിക്കുകയും പ്രേക്ഷകന് തിയേറ്റര്‍ എക്‌സ്പീരിയന്‍സ് സമ്മാനിക്കുകയും ചെയ്യുന്ന ത്രില്ലര് ചിത്രമാണ് ‘ആത്മ’. നരേനാണ് ഓട്ടിസം ബാധിച്ച ചെറുപ്പക്കാരന്റെ വെല്ലുവിളി നിറഞ്ഞ വേഷം അവതരിപ്പിച്ചിരിക്കുന്നത്.
യുഎഇയിലെ കദ്രിസ് എന്റര്‍ടൈന്‍മെന്റിന്റെ ബാനറില്‍ നജീബ് കാദിരിയാണ് ചിത്രം നിര്‍മ്മിക്കുന്നത്. പ്രശസ്ത സംവിധായകന്‍ സുശീന്ദ്രനാണ് തമിഴ്നാട്ടില്‍ ചിത്രം റിലീസ് ചെയ്യുന്നത്. രാകേഷ് എന്‍ ശങ്കറിന്റേതാണ് കഥയും തിരക്കഥയും.
ദില്ലുക്കു ദുഡ്ഡു 2 എന്ന ചിത്രത്തിലൂടെ ശ്രദ്ധേയയായ മലയാളിയായ ശ്രദ്ധ ശിവദാസാണ് ചിത്രത്തിലെ നായിക. ബാല ശരവണന്‍, കാളി വെങ്കട്ട്, കനിക, വിജയ് ജോണി തുടങ്ങി നിരവധി പ്രമുഖ താരങ്ങളും താരനിരയിലുണ്ട്. ഫിലിപ്പിനോ താരങ്ങളായ ഷെറിസ് ഷീന്‍ അഗദും ക്രിസ്റ്റീന്‍ പെന്റിസിക്കോയും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു എന്ന പ്രത്യേകതയും ഈ ചിത്രത്തിനുണ്ട്. പൂര്‍ണമായും ദുബായിലാണ് ചിത്രത്തിന്റെ ഷൂട്ടിംഗ് നടന്നത്.
എക്‌സികുട്ടീവ് പ്രൊഡ്യൂസര്‍ ബദറുദ്ധീന്‍ പാണക്കാട്, ഡിഒപി വിവേക് മേനോന്‍, മ്യൂസിക് ഡയറക്ടര്‍ മാങ്ങല്‍ സുവര്‍ണന്‍, ശശ്വത് സുനില്‍ കുമാര്‍, സൗണ്ട് എഞ്ചിനീയര്‍ ഫസല്‍ എ ബക്കര്‍, കളറിസ്റ്റ് ലിജു പ്രഭാകര്‍, കോസ്റ്റിയൂം ഡിസൈനര്‍ സരിതാ സുഗീത്, പ്രൊഡക്ഷന്‍ കണ്‍ട്രോളര്‍ ഹാരിസ് ദേശം, മേക്കപ്പ് അമല്‍, സൗണ്ട് ഡിസൈന്‍ ഷിജിന്‍ മെല്‍വിന്‍ മാന്‍ഹാത്തോണ്‍, അഭിഷേക് നായര്‍. ചിത്രത്തിന്റെ പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുകയാണ്. ചിത്രത്തിന്റെ റിലീസ് സംബന്ധിച്ചുള്ള ഔദ്യോഗിക പ്രഖ്യാപനം ഉടന്‍ ഉണ്ടാകും. പിആര്‍ഒ പ്രതീഷ് ശേഖര്‍.
Recent Comments