സൂര്യയുടെ ‘സൂരറൈ പോട്ര്’ ദീപാവലി പ്രമാണിച്ച് നവംബര്‍ 12 ന് ആമസോണ്‍ പ്രൈം ഒ ടി ടി പ്ലാറ്റ് ഫോമില്‍ റിലീസിന് ഒരുങ്ങുകയാണ്. തമിഴ്-തെലുങ്ക് പതിപ്പുകളെ കൂടാതെ മലയാളത്തിലും ചിത്രം ഡബ്ബ് ചെയ്യുകയാണ്. മലയാളത്തിന്റെ ട്രെയിലര്‍ ഇതിനോടകം പുറത്തിറങ്ങി. തമിഴ്, തെലുങ്ക്, മലയാളം എന്നീ ഭാഷകള്‍ കൂടാതെ കന്നടത്തിലും ചിത്രം റീലീസ് ചെയ്യും. ഇതാദ്യമായാണ്‍ നടന്‍ നരേന്‍ സൂര്യയ്ക്ക് വേണ്ടി മലയാളത്തില്‍ ശബ്ദം നല്‍കുന്നത്.
കുറഞ്ഞ നിരക്കില്‍ എയര്‍ ലൈന്‍ സ്ഥാപിച്ച റിട്ടയേര്‍ഡ് ആര്‍മി ക്യാപ്റ്റനും എയര്‍ ഡെക്കാന്‍ സ്ഥാപകനുമായ ജി.ആര്‍. ഗോപിനാഥിന്റെ ആത്മകഥയാണ് ചിത്രത്തിന് അവലംബം. സുധ കൊങ്കര സംവിധാനം ചെയ്യുന്ന ‘സൂരറൈ പോട്ര’യില്‍ മലയാളിയായ അപര്‍ണ ബാലമുരളിയാണ് നായിക. സംഗീത സംവിധാനം ജി.വി പ്രകാശ് കുമാര്‍. ചിത്രത്തില്‍ സൂര്യയും ഒരു പാട്ട് പാടുന്നുമുണ്ട്. ഷിബു കാല്ലാറാണ് മലയാളത്തില്‍ ഗാന രചന നിര്‍വഹിച്ചിട്ടുള്ളത്.
Recent Comments