നര്‍ത്തകിയും ചലച്ചിത്ര താരവുമായ നവ്യ നായരുടെ നേതൃത്വത്തില്‍ കൊച്ചിയില്‍ നൃത്തവിദ്യാലയം ആരംഭിക്കാനൊരുങ്ങുന്നു. ശാസ്ത്രീയ നൃത്തരൂപങ്ങളുടെ പ്രചാരണവും പഠനവും ലക്ഷ്യമിടുന്ന മാതംഗി സ്‌കൂള്‍ ഓഫ് പെര്‍ഫോമിങ് ആര്‍ട്ട്‌സ് ഡിസംബര്‍ മൂന്നിന് ആരംഭിക്കും.
കൊച്ചി പടമുകളില്‍ ലീഡര്‍ കെ. കരുണാകരന്‍ റോഡില്‍ പ്രവര്‍ത്തനം തുടങ്ങുന്ന സ്ഥാപനം സൂര്യ കൃഷ്ണമൂര്‍ത്തിയും ലോകപ്രശസ്ത ഭരതനാട്യം നര്‍ത്തകി പ്രിയദര്‍ശിനി ഗോവിന്ദും ചേര്‍ന്ന് ഉദ്ഘാടനം ചെയ്യും. ഡിസംബര്‍ 3 ന് രാവിലെ 8 മണിക്കാണ് ഉദ്ഘാടനച്ചടങ്ങ്. തുടര്‍ന്ന് ‘മാതംഗി’യുടെ സഹകരണത്തോടെ പ്രിയദര്‍ശിനി ഗോവിന്ദിന്റെ നേതൃത്വത്തിലുള്ള ദ്വിദിന ശില്‍പ്പശാലയ്ക്കും തുടക്കമാകും. മാതംഗിയുടെ വെബ്‌സൈറ്റ് സംവിധായകന്‍ സിബി മലയില്‍ സ്വിച്ച് ഓണ്‍ ചെയ്യും.
ഡിസംബര്‍ 3, 4 തീയതികളില്‍ നടക്കുന്ന വര്‍ക്ക് ഷോപ്പില്‍ പങ്കെടുക്കാന്‍ ആഗ്രഹിക്കുന്നവര്‍ക്ക് 9446595530 എന്ന ഫോണ്‍ നമ്പറില്‍ രജിസ്റ്റര്‍ ചെയ്യാം. മാധ്യമപ്രവര്‍ത്തകര്‍ക്കും ശില്‍പ്പശാല കവര്‍ ചെയ്യുന്നതിനുള്ള ഒരുക്കങ്ങള്‍ ചെയ്തിട്ടുണ്ട്.
Recent Comments