നയന്‍താരയുടെ ഏറ്റവും പുതിയ ചിത്രം ടെസ്റ്റ് ഒടിടിയില്‍ റിലീസിനൊരുങ്ങുന്നതായി റിപ്പോര്‍ട്ട്. സ്പോര്‍ട്ട്സ് ത്രില്ലര്‍ ഡ്രാമയായി ഇറങ്ങുന്ന ചിത്രം സംവിധാനം ചെയ്യുന്നത് ശശികാന്താണ്. നയന്‍താരക്കൊപ്പം മലയാളി താരം മീരജാസ്മിനും ചിത്രത്തില്‍ പ്രധാനവേഷത്തിലെത്തുന്നത്. മാധവന്‍, സിദ്ധാര്‍ത്ഥ്, കാളി വെങ്കട്ട് എന്നിവരാണ് മറ്റു താരങ്ങള്‍. ഗായിക ശക്തി ശ്രീ ഗോപാലാണ് സംഗീതം ഒരുക്കുന്നത്.
എന്നാല്‍ ഒടിടി റിലീസിനെക്കുറിച്ചുളള ഔദ്യോഗിക പ്രഖ്യാപനം ഇതുവരെയുണ്ടായിട്ടില്ല. നെറ്റ്ഫ്‌ളിക്‌സിലാകും ചിത്രമെത്തുക എന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്. നയന്‍താര കേന്ദ്രകഥാപാത്രത്തെ അവതരിപ്പിച്ച മുക്കുത്തി അമ്മന്‍, നേട്രികണ്‍, ഒ2 എന്നീ ചിത്രങ്ങള്‍ തിയറ്ററുകള്‍ കാണാതെ നേരിട്ട് ഒടിടിയില്‍ സ്ട്രീമിങ് ആരംഭിക്കുകയായിരുന്നു.
Recent Comments