നേമം പുഷ്പരാജ് സംവിധാനം ചെയ്യുന്ന രണ്ടാം യാമം എന്ന ചിത്രത്തിന്റെ ഷൂട്ടിംഗിന് പാലക്കാട്ട് തുടക്കമായി. നിര്‍മ്മാതാവ് ഗോപാലിന്റെ മാതാവ് ശാന്തകുമാരി ഭദ്രദീപം തെളിയിച്ചു കൊണ്ടാണ് പൂജാ ചടങ്ങുകള്‍ക്ക് തുടക്കം കുറിച്ചത്. തുടര്‍ന്ന് ജോയ് മാത്യുവും രേഖയും പങ്കെടുത്ത ആദ്യ രംഗവും ചിത്രീകരിച്ചു.
ബന്ധുമിത്രാദികള്‍ക്കു പുറമേ ഈ ചിത്രത്തിലെ അഭിനേതാക്കളായ ധ്രുവന്‍, ഗൗതം കൃഷ്ണ, നന്ദു, സംവിധായകന്‍ രാജസേനന്‍, സാ സ്വിക സംഗീത സംവിധായകന്‍ മോഹന്‍ സിതാരയും ചടങ്ങില്‍ സന്നിഹിതരായിരുന്നു. ഗൗരി ശങ്കരം, ബനാറസ്, കുക്കിലിയാര്‍, എന്നീ ചിത്രങ്ങള്‍ ഒരുക്കിയ പുഷ്പരാജിന്റെ ഏറ്റവും പുതിയ ചിത്രമാണ് രണ്ടാം യാമം. വിശ്വാസങ്ങളിലും പാരമ്പര്യങ്ങളിലും മുറുകെ പിടിക്കുന്ന ഒരു നമ്പൂതിരി തറവാടിന്റെ അകത്തളങ്ങളിലേക്ക് ഇറങ്ങിച്ചെന്ന് പറയുന്ന അതിശക്തമായൊരു കുടുംബകഥയാണ് രണ്ടാം യാമം.
ആര്‍. ഗാപാലന്റേതാണ് തിരക്കഥ. ക്രിയേറ്റീവ് സ്‌ക്രിപ്റ്റ് കോണ്‍ട്രിബ്യൂട്ടര്‍ പശാന്ത് വടകര, സംഗീതം മോഹന്‍ സിതാര, ഛായാഗ്രഹണം എന്‍. എന്‍. അഴകപ്പന്‍ ISC, എഡിറ്റിംഗ് വി.എസ്. വിശാല്‍, വിഷ്യല്‍ എഫക്ട്‌സ് സുഭാഷ് നായര്‍, കലാസംവിധാനം ത്യാഗു, മേക്കപ്പ് പട്ടണം റഷീദ്, പട്ടണം ഷാ, കോസ്റ്റ്യൂം ഡിസൈന്‍ ഇന്ദ്രന്‍സ് ജയന്‍, ചീഫ് അസോസിയേറ്റ് ഡയറക്ടര്‍ ഷിബു ജി., സഹസംവിധാനം അനില്‍കുമാര്‍, അര്‍ജുന്‍ എം.എസ്., കാര്‍ത്തിക് കെ.ജെ., എക്‌സികുട്ടീവ് പ്രൊഡ്യൂസര്‍ രാജേഷ് മുണ്ടക്കല്‍, പ്രൊജക്റ്റ് ഡിസൈന്‍ ഏ.ആര്‍. കണ്ണന്‍, പ്രൊഡക്ഷന്‍ കണ്‍ട്രോളര്‍ പ്രതാപന്‍ കല്ലിയൂര്‍, പ്രൊഡക്ഷന്‍ എക്‌സിക്യട്ടീവ് ഹരീഷ് കോട്ടവട്ടം, ഫോര്‍ച്യൂണ്‍ ഫിലിംസിന്റെ ബാനറില്‍ ഗോപാല്‍ ആര്‍. നിര്‍മ്മിക്കുന്ന ചിത്രത്തിന്റെ ഷൂട്ടിംഗ് പാലക്കാടും അട്ടപ്പാടിയിലുമായി പൂര്‍ത്തിയാകും. പി.ആര്‍.ഒ. വാഴൂര്‍ ജോസ്, ഫോട്ടോ ജയപകാശ് അതളൂര്‍.
Recent Comments