റൂസോ ബ്രദേഴ്സ് ഒരുക്കുന്ന പുതിയ ഹോളിവുഡ് ചിത്രമായ ദി ഗ്രേമാനിലെ ധനുഷിന്റെ ആക്ഷന്‍ രംഗങ്ങള്‍ അടങ്ങിയ ക്ലിപ്പ് നെറ്റ്ഫ്‌ളിക്‌സ് സോഷ്യല്‍ മീഡിയയിലൂടെ പുറത്തുവിട്ടിരുന്നു. തെന്നിന്ത്യന്‍ സൂപ്പര്‍ താരം ധനുഷ് കോര്‍ട്ട് ജെന്‍ട്രി (റയാന്‍ ഗോസ്ലിംഗ്) എന്ന സിയറ സിക്‌സും കൂട്ടാളി ഏജന്റ് ഡാനി മിറാന്‍ഡ (അന ഡി അര്‍മാസ്)മായി ഏറ്റുമുട്ടുന്ന ത്രസിപ്പിക്കുന്ന ആക്ഷന്‍ രംഗങ്ങളാണ് ക്ലിപ്പിലെ ഉള്ളടക്കം. ചിത്രത്തില്‍ ഒരു പ്രധാനപ്പെട്ട കഥാപാത്രമായാണ് ധനുഷ് എത്തുന്നത്. ദി ഗ്രേമാനില്‍ ധനുഷിന്റെ കഥാപാത്രത്തെ ‘ലീതല്‍ ഫോഴ്സ്’ (മാരക ശക്തി) എന്നാണ് വിശേഷിപ്പിച്ചിക്കുന്നത്.
View this post on Instagram
അടുത്തിടെ, ലോസ് ഏഞ്ചല്‍സില്‍ നടന്ന ദി ഗ്രേ മാന്‍ പ്രീമിയറിനായുള്ള ഒരു പ്രസ് മീറ്റില്‍, ധനുഷ് പറഞ്ഞ വാക്കുകള്‍ ഏറെ ശ്രദ്ധ നേടിയിരുന്നു. പ്രോജക്റ്റിന്റെ ഭാഗമാകുന്നതിനെക്കുറിച്ചും അവസരം ലഭിച്ചതെങ്ങനെയെന്നും ചോദിച്ചപ്പോള്‍ ധനുഷ് പറഞ്ഞത് ഇങ്ങനെ:
‘ഈ ചിത്രത്തില്‍ ഞാന്‍ എങ്ങനെയാണ് എത്തിപ്പെട്ടത് എന്ന് എനിക്കിപ്പോഴും പിടിയില്ല, തീര്‍ച്ചയായും ഞാന്‍ വളരെയധികം സന്തോഷത്തിലും ആവേശത്തിലുമാണ്. ഞാനായി ഈ സിനിമയെക്കുറിച്ച് കൂടുതല്‍ ഒന്നും പറയേണ്ട കാര്യമില്ല. ഒരുപാട് കാര്യങ്ങള്‍ അറിയുവാനും പഠിക്കുവാനും അവസരം ലഭിച്ചതിലുള്ള ആവേശത്തിലാണ് ഇപ്പോള്‍.’ ധനുഷ് പറഞ്ഞു.
Recent Comments