നവാഗതനായ വിഷ്ണു മോഹന്‍ സംവിധാനം ചെയ്യുന്ന ഉണ്ണി മുകുന്ദന്‍ ചിത്രമാണ് ‘മേപ്പടിയാന്‍’.
ഇപ്പോള്‍ ചിത്രത്തിലെ ‘മേലെ വാനില്‍’ എന്ന് തുടങ്ങുന്ന, വിജയ് യേശുദാസ് ആലപിച്ച പുതിയ ഗാനമാണ് അണിയറ പ്രവര്‍ത്തകര്‍ പുറത്ത് വിട്ടിരിക്കുന്നത്. ഗാനം ഇതിനോടകം തന്നെ മികച്ച പ്രേക്ഷക ശ്രദ്ധ പിടിച്ചുപറ്റി മുന്നേറുകയാണ്.
ഉണ്ണി മുകുന്ദന്‍ ഫിലിംസിന്റെ ബാനറില്‍ ഉണ്ണി മുകുന്ദന്‍ തന്നെയാണ് ഈ ചിത്രം നിര്‍മ്മിക്കുന്നത്. ഈരാറ്റുപേട്ട, പാലാ, പൂഞ്ഞാര്‍ എന്നിവിടങ്ങളില്‍ ചിത്രീകരിച്ച സിനിമ പൂര്‍ണമായും ഒരു കുടുംബചിത്രമാണ്. വര്‍ക്ഷോപ്പ് നടത്തിപ്പുകാരനായ ജയകൃഷ്ണന്‍ എന്ന തനി നാട്ടിന്‍പുറത്തുകാരനായ യുവാവായിട്ടാണ് ഉണ്ണി വേഷമിടുന്നത്.
ഇന്ദ്രന്‍സ്, കോട്ടയം രമേഷ്, സൈജു കുറുപ്പ്, അജു വര്‍ഗീസ്, കലാഭവന്‍ ഷാജോണ്‍, മേജര്‍ രവി, ശങ്കര്‍ രാമകൃഷ്ണന്‍, ശ്രീജിത്ത് രവി, സ്മിനു തുടങ്ങിയവരാണ് മറ്റു താരങ്ങള്‍. നീല്‍ ഡി. കുഞ്ഞ ഛായാഗ്രഹണം നിര്‍വഹിക്കുന്നു.
എല്ലാത്തരം പ്രേക്ഷകരും കാണാന്‍ ഇഷ്ടപ്പെടുന്ന നിരവധി അഭിനയ മുഹൂര്‍ത്തങ്ങള്‍ ഉള്ള കഥാപാത്രമാണിത്. കൊറോണ മാനദണ്ഡങ്ങള്‍ പാലിച്ച് ചിത്രീകരിച്ച ചിത്രത്തില്‍ ഉണ്ണി മുകുന്ദന്‍ ആലപിച്ച ഗാനമടക്കം നാല് ഗാനങ്ങള്‍ ആണുള്ളത്. തിയേറ്റര്‍ റിലീസായി തന്നെ എടുത്ത സിനിമയാണ് മേപ്പടിയാന്‍.
Recent Comments