മലയാളി താരങ്ങള്‍ തമിഴും തെലുങ്കും കന്നഡയും കടന്ന് ബോളിവുഡ് വരെ അഭിനയിക്കാന്‍ പോകുന്നത് പുതുമയുള്ള കാഴ്ചയല്ല. എന്നാല്‍ അഭിനയസാധ്യത തേടി മറാത്തി സിനിമയും പരീക്ഷിക്കുകയാണ് മലയാളി താരം നിമിഷ സജയന്‍. അടുത്തിടെയാണ് താരത്തിന് ബോളിവുഡ് സിനിമയില്‍ (വി ആര്‍) അഭിനയിക്കാന്‍ അവസരം കിട്ടിയത്. ഇപ്പോള്‍ ഇതാ തന്റെ പുതിയ മറാത്തി സിനിമയായ ‘ഹവ്വാഹവ്വായി’യുടെ പോസ്റ്റര്‍ പുറത്തുവിട്ടിരിക്കുകയാണ് താരം.
സാരിയുടുത്ത് സ്‌കൂട്ടറില്‍ പോകുന്ന നിമിഷയെയാണ് പോസ്റ്ററില്‍ കാണുന്നത്. താരത്തിന്റെ ആദ്യ മറാത്തി ചിത്രമായ ഹവ്വാഹവ്വായി സംവിധാനം ചെയ്യുന്നത് മഹേഷ് തിലേകറാണ്. ഏപ്രില്‍ 1ന് ചിത്രം റിലീസ് ചെയ്യും. തര്ക് പ്രൊഡക്ഷന്‍സിന്റേയും 99 പ്രൊഡക്ഷന്‍സിന്റെയും ബാനറില്‍ മഹേഷ് തിലേകറും വിജയ് ഷിന്‍ഡയും ചേര്‍ന്നാണ് ചിത്രം നിര്‍മിക്കുന്നത്. മഹേഷ് തിലേകറാണ് തന്നെയാണ് ചിത്രത്തിന്റെ തിരക്കഥയും എഴുതിയിരിക്കുന്നത്. ചിത്രത്തിലെ മറ്റ് താരങ്ങളുടെ വിവരങ്ങള്‍ പുറത്തുവിട്ടിട്ടില്ല. പങ്കജ് പദ്ഘാനാണ് ചിത്രത്തിന്റെ സംഗീതം ഒരുക്കിയിരിക്കുന്നത്. ആശാ ഭോസ്‌ലെ ചിത്രത്തിലെ ഗാനം ആലപിച്ചിരിക്കുന്നു.
HAWAHAWAI❤️ pic.twitter.com/uhGsNE6nQY
— Nimisha Sajayan (@NimishaSajayan) January 27, 2022
അതേ സമയം ദേശീയ പുരസ്‌കാര ജേതാവായ ഒനിര്‍ സംവിധാനം ചെയ്യുന്ന ബോളിവുഡ് സിനിമയിലും നിമിഷ പ്രധാന വേഷം ചെയ്യുന്നു. ‘വി ആര്‍’ എന്നാണ് ഈ ചിത്രത്തിന്റെ പേര്. ഐം ആം ലൈക് ഐ ആം എന്ന സിനിമയുടെ തുടര്‍ച്ചയാണ് സിനിമ എന്നും പറയപ്പെടുന്നു.
Recent Comments