ജനപ്രീതിയും നിരൂപകപ്രശംസയും നേടിയ മമ്മൂട്ടി ചിത്രം പേരന്‍പിന്റെ സംവിധായകന്‍ റാമിന്റെ പുതിയ ചിത്രമാണ് ഏഴ് കടല്‍ ഏഴ് മലൈ. ചിത്രത്തിന്റെ ഡബ്ബിങ് ചെന്നൈയില്‍ പൂര്‍ത്തിയായി. ചിത്രത്തിലെ കേന്ദ്രകഥാപാത്രങ്ങളെ അവതരിപ്പിക്കുന്ന നിവിന്‍പോളിയും സൂരിയും അഞ്ജലിയും ഡബ്ബ് ചെയ്യുന്ന പ്രൊമോ വീഡിയോ ഇപ്പോള്‍ വൈറലാണ്. ചെന്തമിഴ് അനായാസേന ഡബ്ബ് ചെയ്ത് നിവിന്‍ പോളിയും അണിയറപ്രവര്‍ത്തകരുടെയും തമിഴ് ആരാധകരുടെയും ശ്രദ്ധ പിടിച്ചുപറ്റിയിരിക്കയാണ്.
പേരന്‍പിന് ശേഷം സംഗീത സംവിധായകന്‍ യുവന്‍ ശങ്കര്‍ രാജ വീണ്ടും റാമുമായി കൈകോര്‍ക്കുന്നു. വി ഹൗസ് പ്രൊഡക്ഷന്‍സിന്റെ ബാനറില്‍ സുരേഷ് കാമാക്ഷിയാണ് ചിത്രം നിര്‍മിക്കുന്നത്. ചിമ്പു നായകനായി അഭിനയിച്ച മാനാട് എന്ന ചിത്രം നിര്‍മ്മിച്ചതും വി ഹൗസ് പ്രൊഡക്ഷന്‍സാണ്. ഛായാഗ്രഹണം എന്‍.കെ. ഏകാംബരന്‍. പ്രൊഡക്ഷന്‍ ഡിസൈനര്‍ ഉമേഷ് ജെ. കുമാര്‍, എഡിറ്റിങ് മതി വി.എസ്, കൊറിയോഗ്രഫി സാന്‍ഡി, മേയ്ക്കപ്പ് പട്ടണം റഷീദ്.
Recent Comments